२४ जेठ / अर्थ र व्यापार-चालु आर्थिक वर्षको जेठ १५ गतेभित्र महानगरीय ट्राफिक प्रहरी महाशाखाले ३० करोड ३० लाख ५२ हजार ९०० राजस्व सङ्कलन गरेको छ । 

महाशाखाले  उपत्यकामा अवैध रुपमा पार्किङ गर्ने, लेन अनुशासन पालना नगर्ने, मादकपदार्थ सेवन गरी सवारीसाधन चलाउने, हर्न बजाएर सवारीसाधन चलाउने लगायत कार्यमा संलग्न सवारीसाधनबाट सो राजस्व सङ्कलन गरेको हो ।

कूल  ५ लाख ४६ हजार ५६० सवारीसाधन कारबाहीबाट सङ्कलन भएको छ । यस्तै, महाशाखाले जेठ १६ गतेदेखि जेब्रा क्रसिङबाट बाटो नकाटी अन्य स्थानबाट बाटो काट्ने पैदलयात्रुलाई जरिवाना पनि गर्दै आएको छ । महाशाखाले अवैधरुपमा बाटो काट्ने पैदलयात्रुलाई यातायात व्यवस्था ऐन, २०४९ को दफा १३६ र १३७ प्रयोग गरी २०० जरिवाना लिएको हो ।