मन्त्रालयले पाँच उद्देश्यसहित ल्यायो पर्यटन नीति

टुरिजम स्याटेलाइट एकाउन्ट तयार गरिने

137 पटक पढिएको

१२ साउन/अर्थ र व्यापार – संस्कृति, पर्यटन तथा नागरिक उड्डयन मन्त्रालयले ‘अद्वितीय पर्यटकीय गन्तव्य नेपाल’को दूरदृष्टिसहित पर्यटन नीति सार्वजनिक गरेको छ ।
पर्यटनमन्त्री बद्रीप्रसाद पाण्डेले सोमबार मन्त्रालयमा पर्यटन सम्बद्ध संस्थाका प्रतिनिधिको उपस्थितिमा पर्यटन नीति सार्वजनिक गरेका हुन् । यस पर्यटन नीति मार्फत सरकारले ५ वटा उद्देश्य लिइएको छ ।
पर्यटकीय वस्तु पहिचान, विकास, प्रवर्धन र विविधिकरण, गुणस्तरीय र सुरक्षित पर्यटकीय पूर्वाधार विकास, पर्यटन क्षेत्रमा शासकीय दक्षता सुधार, पर्यटन प्रवर्धनमार्फत रोजगारी र स्वरोजगारीका अवसर सिर्जनालाई नीतिको उद्देश्य भनिएको छ ।
मन्त्री पाण्डेले पर्यटन प्रवर्धनमा निजी क्षेत्रलाई प्रोत्साहित गर्ने गरी नीति तर्जुमा गरेको बताए । उनले पर्यटन प्रवर्धनमा निजी क्षेत्र, नेपालस्थित विदेशी कूटनीतिक नियोग र गैरआवासीय नेपाली आबद्ध संघ संस्थासँग सहकार्य गर्ने बताए ।
पर्यटनसँग सम्बन्धित समग्र तथ्यांक संकलन र विश्लेषण गर्न एक वर्षभित्र टुरिजम स्याटेलाइट एकाउन्ट तयार गर्ने भनिएको छ । पर्यटन प्रवर्धनका लागि आवश्यक छूट र सहुलियतको व्यवस्था गर्ने नीतिमा उल्लेख छ ।

तपाईको प्रतिक्रिया

सम्बन्धित शीर्षकहरु

डलरको भाउ अकासिएर १४० रुपैयाँ नजिक

अर्थ मन्त्रालयद्वारा एमसीसीले निरन्तरता पाएको जानकारी