नेपाल लगानीका लागि पूर्ण सुरक्षित रहेको प्रमाणित भयो :अर्थमन्त्री पौडेल
१० मंसिर/अर्थ र व्यापार – उपप्रधान तथा अर्थमन्त्री विष्णुप्रसाद पौडेलले अब नेपालमा लगानी गर्न सुरक्षित र प्रतिफलयुक्त रहेको प्रमाणित भएको बताएका छन् ।
उनले भर्खर फिच रेटिङले नेपालमो सार्वभौम कन्ट्री रेटिङ गर्दै नेपाललाई डबल बी माइनस रेटिङ दिएको छ । सो रेटिङले अब नेपाल लगानीयोग्य देशका रुपमा सावित भएको र लगानीकर्ताहरुले नेपालमा निर्धक्कसँग लगानी गर्न सकिने उनले बताए ।
फिच रेटिङले सार्वजनिक गरेको रेटिङका बारेमा जानकारी दिन आयोजना गरिएको पत्रकार सम्मेलनमा शुक्रबार अर्थमन्त्री पौडेलले यो रेटिङले नेपालको अवस्था के हो ? र हामी कहाँ छौं ? भन्ने जानकारी दिएको बताए ।
‘नेपालको अर्थतन्त्र कुन अवस्थामा छ भन्ने प्रश्न लामो समयदेखि आईरहेको थियो, सार्वभौम क्रेडिट रेटिङ गर्नुपर्छ भन्ने माग पनि थियो’,उनले भने, ‘हामीले पहिलोपल्ट यो रेटिङ गराएका हौं ।’
नेपालले कन्ट्री रेटिङमा बीबी माईनस रेटिङ पाएको भन्दै उनले दक्षिण एशिया हेर्दा हाम्रा लागि यो उत्कृष्ट विषय रहेको बताए । ‘यो सुरुवात हो, अब हामी यसलाई निरन्तरता दिँदै जानेछौं, यो पहिलो एपिसोड हो,’ उनले भने, ‘यसले नेपालमा लगानी गर्न सुरक्षीत हुन्छ भन्ने सन्देश हामीले विश्वलाई बुझाएका छौं ।’
यसैगरी, उनले नेपाल साँच्चै नै लगानीका दृष्टिकोषण राम्रो राष्ट्र रहेको रेटिङले प्रमाणित गरिदिएको बताए । हाल यहाँ लगानी गर्दा प्रतिफल पनि राम्रो हुने फिचले देखाएको जानकारी गराउँदै उनले सोही अनुसार नेपालमा लगानी गर्न विदेशी निजी क्षेत्रलाई आग्रह गरे ।
फिचले नेपाल सरकारलाई केहि सुझाव पनि दिएको भन्दै उनले ति सुझावहरु कार्यान्वयन गर्दै जाने बताए । अब फिचले क्रेडिट रेटिङ दिलाएसँगै नेपालमा प्रत्यक्ष वैदेशिक लगानी (एफडीआई) बढ्ने निश्चित भएको उनको भनाई छ । उनले अब नेपाल बी बी माईनसमा मात्र नरोकिएर अझै यो रेटिङलाई सुधार गर्दै जाने प्रतिवद्धता जनाए ।
पत्रकार सम्मेलनमा अर्थ मन्त्रालयका सचिव रामप्रसाद घिमिरेले फिच रेटिङले अहिले हामी कहाँ छौं भन्नेबारे स्पष्ट्र दर्शाएको बताए । उनले विदेशी लगानीकर्ताहरुले अब नेपालमा लगानी भित्राउँदा ढुक्क हुनेरहेछ भन्ने सूचना दिएको बताए ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया