२१ असोज/अर्थ र व्यापार – यो साताको दोस्रो कारोबार दिन सोमबार सेयर बजारको परिसूचक नेप्से ३७ दशमलब १३ अंकले बढेर २६ सय ९० दशमलब ७२ बिन्दुमा पुगेको छ ।
कारोबार भइरहँदा पटक पटक नेप्से २७०० माथि पुगे पनि अन्तिम समयमा आएर सो बेद्धि अडिन सकेन । यसैगरी, बजार बढ्दा कारोबार रकम पनि बढेको छ । अघिल्लो दिन ६ अर्ब १३ करोडको कारोबार भएकोमा थियो । यसदिन ७ अर्ब ९ करोड रुपैयाँ को कारोबार भएको थियो । यसदिन १७६ कम्पनीको मूल्य बढ्दा ६६ को घट्यो भने २ को स्थिर रहेका थिए ।
अघिल्लो दिनसम्म उच्च वृद्धि देखिएको फाइनान्स सेक्टर यस दिन ०.७१ प्रतिशत घट्यो । त्यस्तै उत्पादन समूह पनि १.२९ प्रतिशत घट्यो । यी दुईबाहेक सबै सेक्टर बढे । बैंकिङ १.९०, विकास बैंक १.१०, होटल तथा पर्यटन ३.५०, हाइड्रोपावर १.०५, लगानी १.४६, जीवन बीमा १.११, माइक्रोफाइनान्स १.५१, निर्जीवन बीमा ०.८८, अन्य २.६१ र व्यापार समूह १.४६ प्रतिशत बढे । थ्रीस्टार हाइड्रोपावरको ९.९, दोल्ती पावरको ९.६, जोशी हाइड्रोको ८.४, पिपुल्स हाइड्रोपावरको ७.५ प्रतिशत मूल्य बढ्यो । इस्टर्न हाइड्रोपावरको मूल्य १० प्रतिशत घट्यो ।
त्यस्तै विन नेपाल लघुवित्तको ६.१, जनउत्थान सामुदायिक लघुवित्तको ४, पोखरा फाइनान्सको ३.७ प्रतिशत मूल्य घटेको थियो । कारोबार रकमका आधारमा यसदिन चन्द्रागिरि हिल्स, एनआरएन इन्फ्रास्ट्रक्चर, हिमालयन रिइन्स्योरेन्स, नेपाल फाइनान्स र गुडविल फाइनान्स क्रमशः अगाडि रहेका थिए ।
सोमबार फाइनान्स र उत्पादनमूलक बाहेकका बाँकी उपसमूहले नेप्से बढाएका हुन् । होटल उपसमूहको सूचक सबैभन्दा धेरै ३.५० प्रतिशतले बढेको थियो । यसदिन नेप्से ४ पटकसम्म २७०० विन्दुबाट माथि लागेपनि अन्तिममा सो बृद्धि टिक्न सकेन ।