२३ साउन/अर्थ र व्यापार – आर्थिक वर्ष २०८०/८१ मा जीवन बीमा कम्पनीहरुले व्यवसाय वृद्धि गरेका छन्। अर्थतन्त्रमा देखिएको शिथिलताका बाबजुत कम्पनीहरुले बीमा प्रिमियम आर्जन बढाएका हुन।नेपाल बीमा प्राधिकरणका अनुसार गत आवमा माइक्रो सहित लाइफ इन्स्योरेन्स कम्पनीहरुले १ खर्ब ५६ अर्ब ५० करोड रुपैयाँ प्रिमियम आर्जन गरेका छन्।कम्पनीको यो व्यवसाय अघिल्लो वर्षभन्दा ९ दशमलब ९४ प्रतिशतले धेरै हो। २०७९÷८० मा लाइफ इन्स्योरेन्सले १ खर्ब ४२ अर्ब ३५ करोड रुपैयाँको व्यापार गरेका थिए।१४ वटै लाइफ इन्स्योरेन्स कम्पनीको व्यापार बढेको छ। कम्पनीहरुले प्रथम बीमा शुल्क १०.५० प्रतिशतले बढाएका छन्।अघिल्लो वर्ष ३१ अर्ब २३ करोड प्रथम बीमा प्रिमियम संकलन गरेका कम्पनीहरुले पोहोर ३४ अर्ब ५१ करोड रुपैयाँको व्यापार विस्तार गरेका हुन्।सक्रिय बीमा पोलिसी संख्या भने घटेको छ। २०७९ असार मसान्तमा १ करोड ४१ लाख ३७ हजार सक्रिय बीमा पोलिसीको संख्या रहेकामा २०८० असार मसान्तसम्म आइपुग्दा १ करोड ३८ लाख ८१ हजारमा सीमित भएको छ।गत वर्ष नेपाल लाइफ एक्लैले ४० अर्ब ८५ करोड रुपैयाँ बीमा प्रिमियम संकलन गरेको छ। अघिल्लो वर्ष यही अवधिमा कम्पनीले ३७ अर्ब १७ करोड रुपैयाँ आर्जन गरेको थियो।सन नेपाल लाइफले सबैभन्दा न्यून ३ अर्ब ८८ करोड रुपैयाँ बीमा शुल्क संकलन गरेको छ। कम्पनीले अघिल्लो वर्षको तुलनामा २.६३ प्रतिशतले व्यापार बढाएको हो।

तथ्यांकमा जीवन बीमा कम्पनी व्यापार
जीवन बीमा  कम्पनी   २०८०/८१ (रु लाखमा)   २०७९/८० (रु लाखमा)       फरक 

             नेपाल लाइफ    ४०८५०५.७२    ३७१७५१.२७                  ९.८९

नेसनल       १९२०३५.५९          १६४३११.९८                           १६.८७

लाइफ इन्स्योरेन्स कर्पोरेसन      १८१०७५.०७      १७४६१४.५०         ३.७

हिमालयन       १६६०८०.०६        १४८९४६.२५                   ११.५

सूर्यज्योति            ९५००७.२०           ८८११५.६५            ७.८२

राष्ट्रिय जीवन बीमा कम्पनी         ८७१४८.९१   ८३०९८.७२     ४.८७

एसियन           ८०५४८.७१      ७०१६९.५७                  १४.७९

सिटिजन              ६२१५३.३९     ५८९५६.१९            ५.४२

सानिमा रिलायन्स      ६१८९०.६३      ५६७०६.३७        ९.१४ 

मेट लाइफ         ५६७८९.३६    ५२६२२.३९            ७.९२

आइएमई लाइफ      ४७४१२.०३    ४१८४६.७७        १३.३

प्रभु महालक्ष्मी          ४३७२३.८९   ३६५९५.३७         १९.४८

रिलायबल नेपाल         ४२०९०.०१  ३७९५९.२४         १०.८८

सन नेपाल           ३८८५४.१५      ३७८५९.८१         २.६३