६ साउन/अर्थ र व्यापार – अमेरिकी डलरको भाउ अत्यधिक बढेर हालसम्मकै उच्च मूल्यमा पुगेको छ । नेपाल राष्ट्र बैंकले आइतबारका लागि निर्धारण गरेको विनिमयदर अनुसार १ अमेरिकी डलरको बिक्रीदर मूल्य १ सय ३४ रुपैयाँ १७ पैसा पुगेको छ । यसअघि शुक्रबार बिक्रीदर मूल्य १ सय ३४ रुपैयाँ १५ पैसा थियो । यसैगरी, १ अमेरिकी डलरको खरिददर मूल्य १ सय ३३ रुपैयाँ ५७ पैसा रहेको छ ।
त्यसैगरी, साउदी रियालको बिक्रीदर मूल्य ३५ रुपैयाँ ७७ पैसा तथा खरिददर मूल्य ३५ रुपैयाँ ६१ पैसा छ । कतारी रियालको बिक्रीदर मूल्य ३६ रुपैयाँ ७९ पैसा तथा खरिददर मूल्य ३६ रुपैयाँ ६३ पैसा तोकिएको छ । रियाल शुक्रबारको तुलनामा स्थिर छ ।
मलेसियन रिंगिटको बिक्रीदर मूल्य २८ रुपैयाँ ६२ पैसा र खरिददर मूल्य २८ रुपैयाँ ४९ पैसा छ । यूएई दिरामको बिक्रीदर मूल्य ३६ रुपैयाँ ५३ पैसा र खरिददर मूल्य ३६ रुपैयाँ ३७ पैसा कायम भएको छ । एक क्यानेडियन डलरको बिक्रीदर मूल्य ९७ रुपैयाँ ८७ पैसा रहेको छ भने १ अस्ट्रेलियन डलरको मुल्य ८९ रुपैयाँ ८४ पैसा कायम भएको छ ।