१९ असार/अर्थ र व्यापार – महालेखा परीक्षक तोयम रायाले लेखा परीक्षण सल्लाहकार समिति गठन गरेका छन् । महालेखा परीक्षकको काम कारवाहीलाई अझ विश्वनीय बनाउन र लेखा परीक्षणको गुणस्तर बढाउन यो समितिले काम गर्ने सो कार्यालयले जनाएको छ ।
महालेखा परीक्षक रायाको संयोजकत्वमा गठन भएको समितिका सदस्यहरू पूर्वसचिवहरू र विज्ञहरू रहेका छन् । समितिमा लिलामणि पौड्याल, कृष्णहरि बास्कोटा, बच्चुराम दाहाल, रामेश्वर खनाल, मधुरमण आचार्य, किशोर थापा सदस्य रहेका छन् ।
यसैगरी, रामुप्रसाद डोटेल, रमेश बडाल, झबिन्द्र घिमिरे, राजिव गौतम, जीवनप्रभा लामा, तीर्थ कोइराला, सञ्जिव गौतम र प्रदीपकुमार श्रेष्ठलाई समेत लेखापरीक्षण सल्लाहकार समितिको सदस्य रहेका छन् ।
समितिको आन्तरिक सदस्यका रुपमा चार उपमहालेखा परीक्षकलाई राखिएको छ । समितिको सदस्य सचिवमा नायम महालेखा परीक्षक श्रीकुमार राईलाई तोकिएको छ ।
यस समितिले कार्यालयको काम कारबाहीलाई व्यवस्थित गर्ने उद्देश्य लिएको महालेखा परीक्षकको कार्यालयले जनाएको छ ।