७ बैशाख / अर्थ र व्यापार- नेपाल उद्योग तथा व्यवसायी महासंघको संयोजकमा भागिरथ सापकोटा चयन भएका छन् । सांसद एलपी साँवा लिम्बु अध्यक्ष रहेको महासंघले महाधिवेशन आयोजक कमिटी घोषणा गर्दै संयोजकको जिम्मा भागिरथ सापकोटालाई दिएको हो । नेकपा एमालेको उद्योगी व्यवसायीहरुको भातृ संगठनका रुपमा रहेको महासंघमा सापकोटा यसअघि महासचिव थिए ।
त्यस्तै महासंघको महासचिवमा बालकृष्ण सिवाकोटी चयन भएका छन् । उनी यसअघि महासंघको उपाध्यक्ष थिए । कोषाध्यक्षमा डीमप्रकाश पौडेल चयन भएका छन् । उनी यसअघि महासंघका लेखा आयोग संयोजक थिए ।
सापकोटाको संयोजकत्वमा २१ सदस्यीय सचिवलाय समेत गठन भएको छ भने महासंघको पाँचौं केन्द्रीय कमिटी बैंठकमा उपस्थित केन्द्रीय सदस्यलाई आयोजक समितिमा राखिएको छ । लगातार ३ पटक केन्द्रीय कमिटी बैंठकमा नआउने केन्द्रीय सदस्यहरूलाई संस्थाको विधान अनुसार पदबाट हटाइएको छ ।
महासंघको केन्द्रीय कार्यसमिति बैंठकले विधान मस्यौदा समिति समेत चयन गरेको छ । महासंघका तत्कालीन उपाध्यक्ष डेकनाथ गौतमको संयोजकत्वमा ९ सदस्यीय विधान मस्यौदा समिति गठन गरेको हो ।
तपाईको प्रतिक्रिया