नेपाल चेम्बर अफ कमर्सको अध्यक्षमा अग्रवाल
बरिष्ठ उपाध्यक्षमा मल्होत्रा र सन्तोष पाण्डे लगायत ५ उपाध्यक्षमा निर्वाचित
२८ चैत/अर्थ र व्यापार – नेपाल चेम्बर अफ कमर्सको अध्यक्षमा कमलेशकुमार अग्रवाल निर्विरोध निर्वाचित भएका छन् । मंगलबार काठमाडौंमा सम्पन्न ७३ औं वार्षिक साधारणसभाबाट अग्रवाल चेम्बरको अध्यक्षमा निर्विरोध निर्वाचित भएका हुन्।
अग्रवाल यसअघि चेम्बरको बरिष्ठ उपाध्यक्ष थिए । विगत दुई दशकदेखि चेम्बर अफ कमर्शमा आबद्ध अग्रवालको मुलुकको उद्योग वाणिज्य क्षेत्रमा ४० वर्ष लामो व्यवसायिक अनुभव छ । उनले त्रिभुवन विश्वविद्यालयबाट व्यवस्थापनमा स्नातोकोत्तर गरेका छन्। नवनिर्वाचित अध्यक्ष अग्रवालले आफ्नो कार्यकालमा सबै व्यवसायीलाई एकजुट बनाएर अघि बढ्ने प्रतिवद्धता जनाए ।
मंगलबार नै निवर्तमान अध्यक्ष राजेन्द्र मल्लले नवनिर्वाचित अध्यक्ष अग्रवाललाई चेम्बर भवनमा कार्यभार हस्तान्तरण गर्दै सफल कार्यकालको लागि शुभकामना व्यक्त गरेका थिए ।
सोही साधारण सभाबाट चेम्बरको नयाँ कार्यसमितिको बरिष्ठ उपाध्यक्षमा दिपककुमार मल्होत्रा निर्विरोध निर्वाचित भएका छन् । यसैगरी, वाणिज्यतर्फको उपाध्यक्षमा उर्मिला श्रेष्ठ, उद्योगतर्फबाट दिपक श्रेष्ठ, बस्तुगत संघतर्फबाट सुरेन्द्रकुमार श्रेष्ठ, जिल्ला तर्फको उपाध्यक्षमा सन्तोषकुमार पाण्डे र द्धिराष्ट्रिय उपाध्यक्षमा निलकण्ठ चौलागाई निर्विरोध निर्वाचित भएका छन्।
चेम्बरको सोही वार्षिक साधारणसभाले व्यवसायी अर्जुनप्रसाद शर्मालाई मानार्थ उपाध्यक्ष चयन गरेको छ । कुल ७६ सदस्यीय चेम्बरको यस नयाँ कार्यसमितिमा मनोनित बाहेक ५५ जना केन्द्रीय सदस्य निर्विरोध निर्वाचित भएका हुन्।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया