अर्थतन्त्र संकटमा नभएको अर्थमन्त्री पुनको दावी ,मौद्रिक नीतिमा लचकता अपनाउने प्रयास
४ चैत/अर्थ र व्यापार – अर्थमन्त्री वर्षमान पुनले अर्थतन्त्र संकटमा नरहेको दाबी गरेका छन्। नागरिक लगानी कोषको ३४औं वार्षिकोत्सवका अवसरमा आइतबार आयोजित कार्यक्रममा मन्त्री पुनले अर्थतन्त्रका सूचक कमजोर रहे पनि समग्रमा अर्थतन्त्र संकटबाहिर रहेको बताए।
उनले एक वर्षभन्दा बढीका लागि वस्तु तथा सेवाको आयात धान्ने विदेशी मुद्रा सञ्चिति रहेको, बैंकहरुमा लगानीयोग्य रकम (तरलता) पर्याप्त रहेको तथा विप्रेषणमा नयाँ रेकर्ड कायम हुनुले आगामी दिनमा नेपाली अर्थतन्त्रको भविष्य राम्रो रहेको संकेत गरेको बताए।
उनले अर्थतन्त्रमा केही शिथिलता रहेको स्वीकार गरे । उनले विकसित र अर्थतन्त्रमा नेपालभन्दा धेरै अगाडि बढिसकेका संसारका कुनै पनि मुलुक समस्यारहित नरहेको भन्दै पुनले संकटकै समयमा नेतृत्वले आफ्नो क्षमता देखाउनुपर्ने बताए।
मन्त्री पुनले यसअघिका अर्थमन्त्रीले अघि सारेका राम्रा र सकारात्मक नीतिलाई निरन्तरता दिने बताए। उनले विगतमा अर्थतन्त्र संकटमा रहेका बेला लिइएका कतिपय नीतिमा खुकुलो बनाउन मन्त्रालय र नियामक निकायबीच छलफल चलिरहेको जानकारी समेत दिए।
‘अर्थतन्त्र संकटमा रहेका बेला लिइएका कतिपय नीति खुकुलो बनाउन मन्त्रालय र नियामक निकायबीच छलफल चलिरहेको छ,’ उनले भने, ‘सेयर बजारमा सकारात्मक संकेत देखिन थालेको छ। सरोकारवालाबाट सुझाव प्राप्त भएपछि सुधारको कदम चाल्छौं।’
नेपालमा चर्चाका लागि धेरै सकारात्मक विषय भएपनि नकारात्मक पक्षलाई बढी महत्व दिने गरिएको उनको गुनासो छ । उनले मानव विकास सूचकाकंमा नेपाल विश्वका कतिपय विकसित मुलुकको हाराहारी र दक्षिण एसियामा सबैभन्दा अगाडि रहेको रिपोर्ट सार्वजनिक भइरहँदा पनि नेपालमा केही छैन, केही हुँदैन भनिनु दुःखद भएको बताए।
‘राम्रोलाई राम्रो भनेर सुधारमा लाग्नुपर्नेमा निराशा बाँड्ने काम धेरै भयो’, अर्थमन्त्री पुनले भने।
सम्बन्धित शीर्षकहरु
मुख्य खबर
महासंघको केन्द्रिय सदस्यमा सागर ढकालको उम्मेदवारी घोषणा
नेपाल उद्योग वाणिज्य महासंघको आसन्न निर्वाचनमा स्टक ब्रोकर एसोसिएसनका अध्यक्ष सागर ढकालले वस्तुगत तर्फबाट केन्द्रीय सदस्यमा उम्मेदवारी घोषणा गरेका छन् । अध्यक्ष ढकालले महासंघको वस्तुगत
भोली हुने निर्वाचनको सम्पूर्ण तयारी पूरा, निर्धक्क भएर मतदान गर्न आयोगको अपिल
निर्वाचन आयोगले भोली विहानैबाट सुरु हुने प्रतिनिधिसभा सदस्य निर्वाचनको सम्पूर्ण तयारी पूरा भएको जनाएको छ ।
निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको संरक्षण र सुरक्षामा सरकारले काम गर्न नसकेको भन्दै असन्तुष्टि व्यक्त गरेका छन् । नेपाल उद्योग वाणिज्य महासंघले बुधबार आयोजना
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया