अर्थतन्त्रका बाह्य सूचक मजबुत, शोधनान्तर स्थिति २ खर्ब ९७ अर्ब रुपैयाँ बचतमा
माघ महिनामा १ खर्ब ५ अर्ब ७८ करोड रुपैयाँ रेमिट्यान्स भित्रियो
२७ फागुन/अर्थ र व्यापार – पछिल्लो समय मुलुकको आन्तरिक अर्थतन्त्र कमजोर अवस्थामा रहेपनि समग्रमा अर्थतन्त्रका बाह्य सूचक भने बलियो अवस्थामा नै रहेको देखिएको छ।
नेपाल राष्ट्र बैंकले आइतबार सार्वजनिक गरेको चालु आर्थिक वर्षको वितेका सात महिना गत माघ मसान्तसम्मको वित्तिय विवरण अनुसार चालु खाता १ खर्ब ६१ अर्ब ६९ करोड रुपैयाँ बचतमा रहेको देखिएको हो ।
गत आर्थिक वर्षको वितेका ७ महिनाको अवधीमा चालु खाता ४० अर्ब १६ करोड रुपैयाँले घाटामा थियो। यसैगरी, अहिले मुलुकको शोधनान्तर स्थिति पनि बलियो अवस्थामा देखिएको छ । अघिल्लो आवको सोही अवधीमा १ खर्ब २८ अर्ब ५५ करोड बचतमा रहेको शोधनान्तर स्थिति बढेर अहिले २ खर्ब ९७ अर्ब ७२ करोड रुपैयाँ पुगेको छ।
त्यसैगरी, विदेशी मुद्राको सञ्चिति असार मसान्तको तुलनामा १९.९ प्रतिशतले बढेर १८ खर्ब ४४ अर्ब ९४ करोड रुपैयाँ पुगेको छ । यो रकमले १२.३ महिनाको वस्तु तथा सेवा आयात धान्न पुग्ने राष्ट्र बैंकले जनाएको छ।
राष्ट्र बैंकका अनुसार चालु आवको वितेका सात महिनाको अवधीमा कुल ८ खर्ब ३९ अर्ब रुपैयाँ रेमिट्यान्स भित्रिएको छ । यो रकम अघिल्लो आवको ७ महिनाको तुलनामा २१.६ प्रतिशत बढी हो ।
यो आवको माघ महिनामा रेमिट्यान्स घटेको छ । राष्ट्र बैंकले आइतबार सार्वजनिक गरेको तथ्यांक अनुसार माघ महिनामा १ खर्ब ५ अर्ब ७८ करोड रुपैयाँ रेमिट्यान्स भित्रिएको छ । यो रकम पुसको तुलनामा १४ अर्ब रुपैयाँभन्दा न्युन हो । पुसमा १ खर्ब १९ अर्ब ९७ करोड रुपैयाँ रेमिट्यान्स भित्रिएको थियो ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया