३ माघ/ अर्थ र व्यापार – नेपाल उद्योग वाणिज्य संघ काठमाडौंका अध्यक्ष दिनेश श्रेष्ठले कर, राजस्व तथा भन्सार समिति गठनगरि यसलाई पूर्णता दिएका छन् ।
समितिको सभापतिमा कार्यसमिति सदस्य एवं एनइएफएफएका वरिष्ठ उपाध्यक्ष राजेन्द्र संग्रौला नियुक्त भएका छन् । यसैगरी, समितिको सहसभापतिमा विशाल बजार व्यापार संघका अध्यक्ष नरेन्द्रकुमार गुप्ता नियुक्त भएका छन् ।
समितिको सदस्यमा राष्ट्रिय व्यापार संघका अध्यक्ष सरोजकुमार श्रेष्ठ, जुत्ता चप्पल इम्पोर्टर्स संघका अध्यक्ष थानेश्वर ज्ञवाली, मार्ट सञ्चालक संघका अध्यक्ष रंजित लामिछाने, खिचापोखरी न्युरोड व्यापार संघका निवर्तमान अध्यक्ष गणेशकुमार न्यौपाने, एनइएफएफएका उपाध्यक्ष नरेश कुमार अग्रवाल मनोनित भएका छन ।
त्यसैगरी, संघको अन्य सदस्यहरुमा फूटवेयर म्यानुफ्याक्चरर्स एशोसिएसन अफ नेपालका महासचिव ज्ञानेन्द्र प्रसाद दाहाल, रञ्जना व्यापार संघका सदस्य महेश पौडेल, नेपाल बितरक संघका सचिव नवराज दहाल, संघका साधारण सदस्यहरु कुमार खरेल, सहदेव बञ्जारा, गणेश कार्की, गणेश टन्डन मनोनित भएका छन् ।
उनीहरुलाई मंगलबार आयोजित एक कार्यक्रमबीच मनोनयनपत्र वितरण गरिएको संघका महासचिव दुर्गाराज श्रेष्ठले जानकारी दिए ।
सो अवसरमा संघका अध्यक्ष दिनेश श्रेष्ठले नयाँ गठन भएको यस कर, राजस्व र भन्सारका क्षेत्रमा समितिको योगदान महत्वपूर्ण रहने र व्यावसायिक हितमा काम हुने अपेक्षा गरिएको बताए ।