११ मंसिर/अर्थ र व्यापार – सुन तोलाको १ लाख १७ हजार ४ सय रुपैयाँ पुगेको छ। साताको पहिलो दिनका तुलनामा ५ सयको बढोत्तरीपछि अहिले यो मूल्यमा आइपुगेको हो।
लगातार बढेको भाउले गत सातादेखि घट्ने संकेत गरेको छैन ।

गत साताको प्रारम्भमा प्रति तोला १ लाख १५ हजार ७ सय रहेको सुन १ हजार ७ सय रुपैयाँ बढिसकेको छ।
चाँदी पनि बढेर प्रति तोला १५ सय पुगेको छ । यो मूल्य अघिल्लो दिनका तुलनामा १५ रुपैयाँको बढोत्तरी हो । गत साताको सुरुमा चाँदीको मुल्य तोलाको १४ सय ५० रुपैयाँले कारोबार भएको थियो।

अन्तर्राष्ट्रिय बजारमा दुई साता अघिसम्म कमजोर देखिएको सुनचाँदीको कारोबार मूल्य क्रमिक बलियो भएर आएको छ । सोमबार सुन प्रति औंस २०११.७१ डलरले कारोबार भइरहेको छ । यो एकै दिनमा ९.६० डलरको बढोत्तरी हो । चाँदी पनि बढेर प्रति औंस २४.६८ डलर पुगेको छ ।