logo

सर्वाधिक कर तिर्ने १६ करदाता सम्मानित, सबैभन्दा धेरै आयकर तिर्ने टेलिकम

व्यक्तिगत आयकर तर्फ विजयकुमार शाह

    241   पटक पढिएको

७ मंसिर/अर्थ र व्यापार– सरकारले सर्वाधिक कर तिर्ने करदातालाई सम्मान गरेको छ । गत आर्थिक वर्ष २०७९÷८० विभिन्न १६ विधामा सर्वाधिक कर तिर्ने कम्पनीलाई अर्थमन्त्री डा. प्रकाशशरण महतले बिहीबार सम्मान गरेका हुन् ।
राष्ट्रिय कर दिवस २०८० को समापन कार्यक्रमको अवसरमा करदातालाई सम्मान प्रदान गरिएको हो । कर दिवसकै अवसरमा आन्तरिक राजस्व विभागले हरेक वर्ष उत्कृष्ट करदातालाई सम्मान गर्दै आएको छ ।
यसवर्ष सबैभन्दा बढी आयकर बुझाउने कम्पनीहरुमा नेपाल दूरसञ्चार कम्पनी (टेलिकम) पहिलो भएको छ । निर्यात कारोबारतर्फबाट उत्कृष्ट करदाता डाबर नेपाल प्रालि भएको छ ।
विषेश उद्योगतर्फबाट एसियन पेन्ट्स, कृषि एवं पशुजन्य तर्फबाट ओसीबी फुड्स एन्ड फिड्स प्रालि, सहकारी तथा लघुवित्ततर्फबाट छिमेक लघुवित्तले उत्कृष्ट करदाता सम्मान पाएको छ ।
यसैगरी, बैंक तथा वित्तीय संस्थाको तर्फबाट ग्लोबल आईएमई बैंक, बीमा तर्फबाट लाइफ इन्स्योरेन्स कर्पोरेसन, स्वास्थ तथा शिक्षा क्षेत्रको तर्फबाट नोबेल मेडिकल कलेज टिचिङ हस्पिटल, पर्यटन क्षेत्रबाट मनकामना दर्शन प्रालि, वस्तु व्यापार क्षेत्रको तर्फबाट भाटभटेनी सुपरमार्केटले उत्कृष्ट करदाता सम्मान पाएको छ ।
त्यसैगरी, मध्यस्तरीय करदाताको तर्फबाट नेपाल स्टक एक्सचेन्ज, ऊर्जा क्षेत्रबाट भोटेकोसी पावर कम्पनी, रेमिटेन्स तर्फबाट आईएमई लिमिटेड, व्यक्तिगत आयकर तर्फ विजयकुमार शाह, आयकर, मुअकसहित सबैभन्दा धेरै कर तिर्ने र समयमै बिलबिजक बुझाउने (संस्थागत) कम्पनी सूर्य नेपाल प्रालि सम्मानित भएको छ ।
आन्तरिक राजश्व विभागका अनुसार नेपाल स्टक एक्सचेञ्जमा सूचिकृत हिमालयन डिस्टिलरी लिमिटेडका संस्थापक शाहले सर्वाधिक धेरै आयकर तिरेका हुन्। सोही अनुसार शाहलाई बिहीबार अर्थमन्त्री डा. प्रकाशशरण महतले धेरै कर तिरेको भन्दै सम्मान गरेका हुन । कर दिवसको अवसर पारेर शाह लगायत विभिन्न उत्कृष्ट करदातालाई सम्मान गरिएको हो । अर्थमन्त्री महतले काठमाडौमा आयोजित कार्यक्रममा उनीहरुलाई सम्मान गरेका हुन्।
सो कार्यक्रममा अर्थ सचिव कृष्णहरि पुष्कर लगायत कर कार्यालयका अधिकारीहरु उपस्थित थिए । नेपालको लिकर किङको रूपमा चिनिएका शाहका जावलाखेल डिष्टिलरी, हिमालयन डिष्टिलरी, राज ब्रुअरी, एसियन र विजय डिष्टिलरी लगायतका कम्पनी छ । ती कम्पनीले रुस्लान भोड्का, गोल्डेन ओक र वार्सटाइनर, बडवाइजर बियर उत्पादन भइरहेको छ ।
सरकारले बिहीबार १६ विधामा विभिन्न व्यक्ति तथा संस्थाहरुलाई सम्मान गरेको छ । निरन्तर ५ वर्षदेखि सर्वाधिक कर तिर्ने र यस वर्ष पनि अन्तःशुल्क, मूल्य अभिवृद्धि र आय कर तिर्ने सूचीमा गरेर २ विधामा सूर्य नेपालले सर्वाधिक कर तिरेको भन्दै सम्मान पाएको छ । संस्थागततर्फ सबैभन्दा बढी आय कर नेपाल टेलिकमले तिरेको छ । सरकारी स्वामित्वको टेलिकमलाई पनि सम्मान गरिएको छ ।

तपाईको प्रतिक्रिया

सम्बन्धित शीर्षकहरु

मुख्य खबर

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

हेटौंडा कपडा उद्योग पुनः सञ्चालन गर्न नेपाली सेनासँग प्रधानमन्त्रीले गरे छलफल

प्रधानमन्त्री पुष्पकमल दाहाल ‘प्रचण्ड’ले रूग्ण अवस्थामा रहेको हेटौंडा कपडा उद्योग पुनः सञ्चालनका लागि नेपाली सेनासँग छलफल गरेका छन ।

कानुनी लडाइँपछि चौधरी ग्रुपले पायो हिरोको आधिकारीक बिक्रेता

एकवर्षको कानुनी लडाइँपछि हिरो मोटरसाइकलको नेपालस्थित आधिकारिक बिक्रेताको काम ज्योति समुहबाट चौधरी समुहले पाएको छ ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।