सुस्ताएको घरजग्गा कारोबारमा अझै आएन सुधार, राजस्व आधा घट्यो
३ मंसिर/अर्थ र व्यापार – लामो समयदेखि सुस्ताएको घरजग्गा कारोबारमा अझै सुधार आएको छैन । घरजग्गा कारोबारमा सुधार नआएपछि पछिल्लो समय राजस्व समेत आधा घटेको छ ।
गत असोज महिनाको अन्तिम सातादेखि कात्तिक मसान्तसम्म आम नेपाली दशैं तिहार र छठपर्वको ‘फेस्टिभ मुड’मा रहँदा नेपालमा घरजग्गा कारोबार सुस्ताएको सम्बन्धीत सरोकारवालाहरुले बताएको छ ।
उनीहरुका अनुसार कात्तिक महिनामा घरजग्गा कारोबारबाट राज्यलाई प्राप्त हुने राजस्वदेखि लिखत पारितसम्म घटेको छ । भूमि व्यवस्था, सहकारी तथा गरिबी निवारण मन्त्रालयले २०७४ मा कृषियोग्य भूमि खण्डीकरण बढेको बन्दै जग्गा कित्ताकाट गर्न रोक लगाएको थियो । नीतिगत बन्देजकै कारण घरजग्गा कारोबार घट्दा अर्थतन्त्रमै समस्या परेको धारणा सहित प्रधानमन्त्री पुष्पकमल दाहाल ‘प्रचण्ड’ नेतृत्वको वर्तमान सरकारले गत २९ साउनमा मन्त्रिपरिषद् बैठकबाटै जग्गा कित्ताकाट खुलाएको थियो ।
त्यसपछि भदौ र असोज महिनामा केही सुधार देखिएको घरजग्गा कारोबार कात्तिक महिनामा चाडबाडका कारण पुनः घटेको हो ।
यस्तो कारोबारमा चलायमान बनाउन भन्दै जग्गा कित्ताकाट खुलाउन सरकार नै ‘पावरब्रोकर’ बन्दा समेत अझै अपेक्षाकृत रुपमा कारोबार नभएको सम्बन्धीत सरोकारवालाहरुको भनाई छ ।
सम्बन्धीत सरोकारवाला निकाय भूमि व्यवस्थापन तथा अभिलेख विभागको तथ्यांकअनुसार असोजमा घरजग्गा किनबेचबाट सरकारले ४ अर्ब ८ करोड ६६ लाख २७ हजार ४३७ रुपैयाँ राजस्व प्राप्त गरेको थियो ।
कात्तिकमा २ अर्ब १६ करोड ३८ लाख ६७ हजार ५६४ रुपैयाँ कूल राजस्व प्राप्त भएको विभागले जनाएको छ । एकै महिनामा घरजग्गा कारोबारबाट राज्यलाई प्राप्त हुने राजस्व १ अर्ब ९२ करोड रुपैयाँले घटेको देखिन्छ ।
असोजमा १ लाख ४० हजार ५९० कित्ता जग्गा कारोबार भएकोमा कात्तिकमा घटेर ७७ हजार १८५ कित्तामा सीमित भएको विभागको तथ्यांकमा उल्लेख छ ।
कात्तिकमा ३० हजार ३८७ जग्गा कित्ताकाट भई ७० हजार ११६ कित्ता कायम भएको छ । २६ हजार घरजग्गा किनबेच भएकोमा १८ हजार ५९३ वटा घरजग्गा रोक्का भएको छ । १५ हजार २५९ घरजग्गा फुकुवा भएको छ ।
सम्बन्धित शीर्षकहरु
मुख्य खबर
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
नवनियुक्त आईजीपीको पहिलो निर्णय, वरिष्ठ सईसम्मलाई २ लाखको आकस्मिक कर्जा
नवनियुक्त प्रहरी महानिरीक्षक (आईजीपी) दानबहादुर कार्कीले वरिष्ठ प्रहरी नायब निरीक्षक (सई) सम्मको दर्जाका प्रहरीको सहुलियत कर्जा बढाउने निर्णय गरेका छन् । आईजीपीको दज्र्यानी चिन्ह प्राप्त गरेपछि
नेपालमा जस्तो अवसर र सम्भावना कतै देख्दिन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले आँफूले नेपालमा जताततै सम्भावना र अवसरहरु मात्र देख्ने बताएका छन् । अमेरिकाको टेक्ससमा शनिबार आयोजित हिमालयन कन्क्लेभमा धारणा राख्दै उनले
पर्यटन व्यवसायी अंगाईले गरे पुनर्निर्माण कोषमा १ लाख सहयोग
युवा पर्यटन व्यवसायी तथा आर्यतारा होल्डिङसका अध्यक्ष नवराज अंगाईले सरकारले सुरु गरेको भौतिक पूर्वाधार पुनर्निर्माण कोषमा १ लाख रुपैयाँ सहयोग गरेका छन् । जेनजी आन्दोलनको क्रममा तोडफोड र आगजनी
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया