८ असोज/अर्थ र व्यापार – आफुसित भएको ठुलो परिणामको चिनी लुकाएर कृतिम अभाव सिर्जना गर्दै बढी मुल्यमा बेचेर कालोबजारी गर्दै आएको काठमाडौंको सबैभन्दा ठूलो चिनी गोदाममा वाणिज्य विभागले सिल गरेको छ ।
सोमबार काठमाडौको कुलेश्वरस्थित गृहेश्वरी ट्रेडलिंकको गोदाममा ७० हजार केजी चिनी लकाएर कृतिम अभाव सिर्जना गरि बढि मुल्य लिएर कालोबजारी गरेको आरोपमा विभागले सो गोदाममा सिलबन्दी गरेको हो । हाल बजारमा चिनी नपाएको अवस्थामा सो गोदाममा भण्डारण गरेर राखिएको यतिधेरै ठुलो परिणामको चिनीमा लेबल अस्पष्ट भएको पाईएकाले गोदाम सिल गरिएको विभागले जनाएको छ ।
विभागका सूचना अधिकारी आनन्दराज पोखरेलले विभागका अनुगमन टोलीले चिनीको गोदाम सिल गरि त्यहाँ भेटेएिको चिनीको गुणस्तर परिक्षणका लागि पठाइएको बताएका हुन ।
कुलेश्वरको गृहेश्वरी ट्रेडलिंकको चिनी गोदाम सिल गरिएको र त्यहाँ करिब ७० हजार केजी चिनी लुकाएर भण्डारण गरेको भेटिएको जानकारी गराउँदै पोखरेलले भने, ‘अहिले यतिधेरै परिणाममा फेला परेको चिनीको गोदाम सिल गरेर यस चिनीको गुणस्तर परीक्षणका लागि पठाइएको छ ।’
यस्तो कार्यमा संलग्न व्यवसायी सन्तोष खेतानको सो गोदामले विभिन्न उद्योगहरुबाट सस्तोमा खरिद गरेको चिनी काठमाडौंमा बिल बिजकविना नै महँगो मूल्यमा बिक्री गरेको आरोपमा विभागमा उजुरी परेको थियो । सोही उजुरीको आधारमा अनुगमन गर्दा यतिधेरै परिणामको चिनी लुकाएर राखेको फेला परेको विभागले जनाएको छ ।
विभागका अनुगमन अधिकृत र नेपाल खुद्रा व्यापार संघका अधिकारीहरुका अनुसार १२७ रुपैयाँ प्रतिकेजी होलसेलमा चिनी बिक्री गरेर सो गोदामा सञ्चालक खेतानले जम्मा प्रतिकेजी १०५ रुपैयाँको मात्रै बिल दिने गरेका थिए ।
दुई साता अघिसम्म ११० रूपैयाँ प्रतिकेजीमा बिक्री भइरहेको चिनीको मुल्य बढाएर हाल एकाएक प्रतिकेजी १४० रूपैयाँसम्म पु¥याइएको छ ।
काठमाडौं उपत्यकामा चिनी बिक्रीमा सबैभन्दा ठुलो व्यापारि मानिएका खेतानको यस गोदामले नेपाली चिनी मिलबाट क्रसिङको समयमा सस्तोमा खरिद गरेका चिनी उठाएर कृतिम अभाव सिर्जना गरि लुकाएर चाडपर्वको मुखैमा यतिधेरै महँगो भाउमा बिक्री गर्ने गरेको पाइएको अनुगमनमा खटिएका सरकारी अधिकारीहरुले बताएका छन ।
बजार अनुगमन टोलीले खेतानकै सोही गोदामबाट चिनीसँगै ठूलो परिमाणमा भण्डारण गरि लुकाएको दाल पनि बरामद गरेको छ । यसरी लुकाएर राखिएको दालबारे पनि विभागले थप अनुसन्धान गरिरहेको बताएको छ ।