३ असोज/अर्थ र व्यापार – नेपाल उद्योग वाणिज्य संघ काठमाडौंको अध्यक्षमा पुनः दिनेश श्रेष्ठ निर्विरोध निर्वाचित भएका छन् । गत सोमबारबाट सुरु भएको संघको निर्वाचन प्रक्रिया अन्तर्गतको मनोनयनमा अध्यक्षमा निर्वचित अध्यक्ष श्रेष्ठ सहित सबै पद निर्विरोध निर्वाचित भएको निर्वाचन समितिले जनाएको छ ।
संघमा श्रेष्ठको यो दोस्रो कार्यकाल हो । संघका अध्यक्ष श्रेष्ठ नेपाल उद्योग वाणिज्य महासंघको पूर्व उपाध्यक्ष पनि हुन ।

संघको उपाध्यक्षमा रमानाथ श्रेष्ठ, राजेन्द्र शेरचन र जय सिवाकोटी निर्विरोध निर्वाचित भएका हुन् । यसैगरी, संघको महासचिवमा दुर्गाराज श्रेष्ठ निर्विरोध निर्वाचित भएका छन ।
त्यसैगरी, संघको सचिवमा शुष्मा महरा निर्विरोध निर्वाचित भइन् भने कोषाध्यक्षमा प्रदीपमान प्रधान र सह–कोषाध्यक्षमा नानीराज घिमिरे निर्वाचित भएका छन ।

संघको कार्यसमिति सदस्यहरुमा सुरेन्द्रभक्त श्रेष्ठ, सागर शाक्य, प्रेमहरि मैनाली, कुष्ण प्रधान, राजेन्द्र संग्रौला, दिपक भण्डारी, शिशिर गौतम, महेन्द्र गोयल, सदीष श्रेष्ठ र उज्ववलजंग पराक्रम शाह निर्विरोध निर्वाचित भएका छन ।