३१ भदौं/अर्थ र व्यापार – नेपाल आयल निगमनले फेरी पेट्रोलियम पदार्थको मूल्य वृद्धि गरेको छ । शुक्रबार मध्यरातदेखि नै लागू हुनेगरी निगमले पेट्रोलमा प्रतिलिटर एक रुपैयाँ र डिजेल तथा मट्टीतेलमा प्रति लिटर ३ रुपैयाँकादरले मूल्य बृद्धि गरेको हो ।
हरेक १५÷१५ दिनमा भारतीय आयल कर्पोरेशन (आइओसी)ले नयाँ मुल्य पठाउने गरेको र सोही मुल्य अनुसार निगमले पनि भाउ समायोजन गर्दै आएको छ ।
निगमले बढाएको यस नयाँ मुल्य अनुसार अब काठमाडौं, पोखरा र दिपायलमा पेट्रोलको मुल्य प्रतिलिटर १८३ रुपैयाँ कायम भएको छ । त्यस्तै, चारआली, बिराटनगर, जनकपुर, अमलेखगञ्ज र नेपालगञ्ज, धनगढी र बीरगञ्जमा १८० रुपैयाँ ५० पैसा र सुर्खेत र दाङ क्षेत्रमा १८२ रुपैयाँ कायम भएको छ ।
यसैगरी, डिजेल र मट्टीतेलको मुल्य प्रतिलिटर १७३ रुपैयाँ कायम भएको छ । हाल निगमले ढुवानी गर्नुपर्ने क्षेत्रहरुलाई विभिन्न तिन वर्गमा विभाजन गरेको छ ।