२४ भदौ/अर्थ र व्यापार – नबिल बैंकले टाटाका जेनुइन पार्टपुर्जा र टाटा मोटर्स जेनुइन आयलका खुद्रा बिक्रेतालाई सस्तो र सहज वित्तीय सुविधा उपलब्ध गराउने भएको छ।

टाटा जेनुइन पार्ट्स र टाटा मोटर्स जेनुइन आयलको आधिकारिक बिक्रेता सिप्रदी अटो पार्ट्स र नबिल बैंकबीच सहकार्य गर्ने सम्झौता भएको छ ।
सम्झौतापत्रमा सिप्रदी अटोपार्ट्सका बरिष्ठ महाप्रबन्धक युवराज बुढाथोकी र नबिल बैंकका एसएमई तथा माइक्रोफाइनान्स प्रमुख अमित श्रेष्ठले हस्ताक्षर गरेका हुन्।

सम्झौताअनुसार नबिल बैंकले सिप्रदी अटोपार्ट्सका खुद्रा बिक्रेतालाई धितोबिना नै फाइनान्स सुविधा उपलब्ध गराउने सो बैंकले जनाएको छ ।
बैंकका अनुसार सम्झौतामा हस्ताक्षर गर्ने क्रममा टाटाका जेनुइन पार्टपुर्जा र टाटा मोटर्स जेनुइन आयलका काठमाडौं उपत्यकास्थित खुद्रा बिक्रेताको पनि उपस्थिति रहेको थियो।