चुहावट रोक्न आयल निगमका ट्यांकरमा ’बटम लोडिङ’ प्रणाली जडान थालियो
२३ साउन/अर्थ र व्यापार – इन्धन लोडिङको क्रममा हुने चुहावट तथा जोखिम रोक्न नेपाल आयल निगमले ट्याङ्करहरूमा ‘बटम लोडिङ’ प्रणाली सुरु गरेको छ ।
नयाँ प्रविधिको ‘बटम लोडिङ’ सुरुमा दुई वटा ट्यांकरबाट थालनी भएको छ । ’टप लोडिङ’ प्रणालीलाई विस्थापित गर्दै भारतले ‘बटम लोडिङ’ प्रणाली सुरु गरेपछि निगमले पनि यहाँ सुरु गरेको हो ।
निगमका प्रवक्ता मनोज ठाकुरका अनुसार भारतीय आयल कर्पोरेसनको मोतिहारी टर्मिनलबाट पेट्रोल लोड भई आएका २० किलोलिटर क्षमताका २ वटा ट्यांकरमा यो प्रणाली सुरु भएको हो ।
‘सोमबार वाग्मती प्रदेशिक कार्यालय थानकोट डिपोमा भएको अनलोड कार्यमा बटम लोडिङ प्रणाली सुरुआत भएको हो, यो प्रणालीले इन्धन पोखिने, चुहिनेजस्ता सम्भावना अत्यन्त न्यून हुन्छ,’ प्रवक्ता ठाकुरले भने, ‘बटम लोडिङले इन्धन लोडिङ पनि छिटो भएर समय बचत हुन्छ, मुख्य रुपमा वातावरण प्रदूषण र जोखिम न्यून हुन्छ ।’
अहिलेको ’टप लोडिङ’ प्रणालीअनुसार ट्यांकरको माथिल्लो भागमै पाइप लगाएर लोड तथा अनलोड गर्नुपर्ने हुन्छ । अहिलेको यो ’टप लोडिङ’ प्रणालीमा स्टाटिक चार्ज उत्पन्न भइ बढी जोखिम रहन्छ । ’बटम लोडिङ’ प्रणालीमा ट्यांकरको तल्लो भागबाटै पेट्रोलियम पदार्थ लोड तथा अनलोड गर्न सकिन्छ । ’बटम प्रणाली’बाट हुने लोड तथा अनलोडमा जोखिम अत्यन्त न्यून रहने निगमले जनाएको छ ।
‘यो प्रणाली प्रयोग गर्दा चुहावट हुने वा आगलागी हुने सम्भावना कम हुन्छ । वातावरणीय हिसावले पनि उचित हो,’ ठाकुरले भने । पछिल्लो समय भारतमा बटम लोडिङ नै लागू भएको छ ।
नेपाल गुणस्तर तथा नापतौल विभागका महानिर्देशक दीनानाथ मिश्र संयोजकत्वमा गठित समितिले दिएको सुझाव अनुसार निगमले ट्यांकरहरूमा ‘बटम लोडिङ’ प्रणाली जडान गरेको हो ।
सम्बन्धित शीर्षकहरु
मुख्य खबर
नेपालमा जस्तो अवसर र सम्भावना कतै देख्दिन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले आँफूले नेपालमा जताततै सम्भावना र अवसरहरु मात्र देख्ने बताएका छन् । अमेरिकाको टेक्ससमा शनिबार आयोजित हिमालयन कन्क्लेभमा धारणा राख्दै उनले
पर्यटन व्यवसायी अंगाईले गरे पुनर्निर्माण कोषमा १ लाख सहयोग
युवा पर्यटन व्यवसायी तथा आर्यतारा होल्डिङसका अध्यक्ष नवराज अंगाईले सरकारले सुरु गरेको भौतिक पूर्वाधार पुनर्निर्माण कोषमा १ लाख रुपैयाँ सहयोग गरेका छन् । जेनजी आन्दोलनको क्रममा तोडफोड र आगजनी
शीतल निवासमा ४ मन्त्रीले लिए शपथ
अन्तरिम सरकारमा नियुक्त भएका थप ४ मन्त्रीले अहिले पद तथा गोपनीयताको शपथ लिएका छन् ।
निजी क्षेत्रको मनोबल कम हुन दिंदैनौं : नवनियुक्त अर्थमन्त्री खनाल
नवनियुक्त अर्थमन्त्री रामेश्वर खनालले निजी क्षेत्रको मनोबल कम हुन नदिने बताएका छन् । सोमबार अर्थ मन्त्रालयमा पदभार ग्रहण गर्दै खनालले यस्तो बताएका हुन् ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया