५ साउन/अर्थ र व्यापार – छिमेकी मुलुक भारतले चामल निर्यातमा प्रतिबन्ध लगाएको छ । भारतको वाणिज्य तथा वैदेशिक व्यापार विभागले बिहीबार एक सूचना जारि गरि बासमती तथा गैरबासमती सबै प्रकारका सेतो चामल निर्यातमा प्रतिबन्ध लगाएको घोषणा गरेको हो ।

निर्यात नीतिअनुरूप गैरबासमती सेतो चामल स्वतन्त्र निर्यात गर्न प्रतिबन्ध गरिएको विभाग महानिर्देशनालयको सो सूचनामा उल्लेख छ ।
भारतीय सञ्चारमाध्यमका अनुसार भारतका प्रमुख धान उत्पादन क्षेत्रमा वर्षाको कमीपछि उत्पादन घट्ने प्रक्षेपणले भारतमा चामलको मूल्य बढ्न थालेसँगै सरकारले निर्यातमा प्रतिबन्ध लगाएको हो ।
भारतले चामल निर्यातमा प्रतिबन्ध लगाएपछि नेपाल लगायत मुलुकमा मूल्य बढ्ने अनुमान गरिएको छ । आर्थिक वर्ष २०७९/८० को ११ महिनामा नेपालले भारतबाट १४ अर्ब ४४ करोड रुपैयाँ बराबरको २० करोड ८९ लाख केजी चामल आयात गरेको थियो । यो प्रतिवन्धका कारण अब नेपाली बजारमा आयातित चामलको भाउ अझै बढ्ने भएको छ ।