४ साउन/अर्थ र व्यापार – निजी क्षेत्रको संघिय प्रतिनिधीमुलक छाता संस्था नेपाल उद्योग वाणिज्य महासंघको कर तथा राजस्व समिति सभापतिमा अम्बिकाप्रसाद पौडेलको नेतृत्वमा गठित समितले पूर्णता पाएको छ ।  पौडेलको सभापतित्वमा ९ सदस्यीय कर तथा राजस्व समिति समिति गठन गरिएको हो।
पौडेलको नेतृत्वमा गठित सो समितिमा महासंघका व्यवसायीहरु उज्जवल कसजु, उज्जवल श्रेष्ठ, कृष्णप्रसाद दुलाल र निरञ्जन श्रेष्ठ उप सभापतिको जिम्मेवारीमा चयन भएका छन्।
यसैगरि, नन्दलाल बैष्य, प्रकाश मानन्धर, चक्रबहादुर अधिकारी र अनन्तकुमार पौडेल सो समितिका सदस्य चयन भएका छन् । यस समितिमा चारजना आमन्त्रित सदस्य छन् भने थप चारजना व्यवसायीलाई सल्लाहकार चयन गरिएको महासंघले जनाएको छ ।
त्यसैगरि, राजकुमार न्यौपाने, नरेश अग्रवाल, अश्विनी बंशल, राजन लम्साल र सुमन गौतम यस समितिको आमन्त्रित सदस्यमा मनोनित गरिएको महासंघद्वारा जारी विज्ञप्तिमा उल्लेख छ ।
महासंघले जनाकारी गराए अनुसार सो समितिमा पूर्व अर्थ सचिव शंकर अधिकारी, सुदर्शनराज पाण्डे, सुनिलगोपाल श्रेष्ठ र कृष्णलाल महर्जन लगायत सल्लाहकार रहेका छन्।