अर्थमन्त्रीले पुँजीगत लाभकर नै अन्तिम भनेपछि बजार खुल्यो, नेप्से ५३ अंकले बढ्यो, सूचकमा पनि हरियाली
२१ जेठ/अर्थ र व्यापार – अर्थमन्त्री डा. प्रकाशशरण महतले पुँजीगत लाभकर नै अन्तिम भएको विश्वास दिलाएपछि आइतबार सेयर कारोबार उकालो लागेको छ ।
लगानीकर्ताले कारोबार बन्द गराउने धम्कीका बीच छिटपुट किनबेच भइरहेको थियो।
अर्थमन्त्रालयमा अर्थमन्त्री महतले नै पुँजीगत लाभ कर नै अन्तिम भएको र अहिले गरिएको कर प्रस्ताव संसदमा फिर्ता लिने बताएपछि बजारमा कारोबारले तीब्रता पाएको छ ।
अहिले बजार हरियो पनि भएको छ। मन्त्रालयको समाचार बाहिरिएलगत्तै बजारले फराकिलो बृद्धि समातेको छ ।
आइतबार ११ बजेदेखि नै कारोबार खुलेको भएपनि मध्यान्ह १२ बजेर २० मिनेटसम्म छिटफुट मात्रै कारोबार भएको बजारमा मन्त्रालयको सूचनापछि भने हरियाली छाउँदै ५३.०३ अंकले वृद्धि हुँदा १९१९.३७ अंकको विन्दुमा बन्द भएको छ । आइतबार नेप्सेका सबै उपसूचकमा वृद्धि हुँदा होटल तथा पर्यटन उपसूचक सर्वाधिक ७.३७ प्रतिशतले वृद्धि भएको छ । यस्तै निर्जीवन बीमा उपसूचक ४.५४ प्रतिशतले वृद्धि भएको छ ।
सुरुवाती १ घण्टाको समय कारोबार नहुँदा नेप्सेमा उच्च अंकको वृद्धि भएपनि कारोबार रकम भने १ अर्ब ६५ करोड ६३ लाखमा सीमित भएको छ । जसमध्ये शिवम् सिमेन्टको सर्वाधिक १५ करोड ८२ लाखको कारोबार हुँदा सोल्टी होटलको सेयर ८ करोड १३ लाख रुपैयाँ र चिलिमे हाइड्रोपावरको सेयर ६ करोड ५५ लाखको कारोबार भएको छ । आगामी आर्थिक वर्ष २०८०/८१ को बजेटपछिको दुई दिनमा नै करिब ९२ अंकको वृद्धि भएको सेयर बजार परिसूचक नेप्से आइतबार भने २.८४ प्रतिशतले वृद्धि भएको छ । अर्थमन्त्री डा. प्रकाशशरण महतले १५ जेठमा संसदमा प्रस्तुत गरेको आर्थिक विधेयकमा ३ वर्षको आय विवरण पेश गरी कर दाखिला गर्नुपर्ने उल्लेख थियो ।
पूँजीगत लाभकर नै अन्तिम कर रहेको बुझाइमा रहेको सेयर लगानीकर्तालाई त्यसले झस्काएपछि बजेटपछिको दुई दिन लगातार उच्च अंकको गिरावट भएको नेप्से १८ जेठ बिहीबार भने १६.५५ अंकले सुधार भएर बन्द भएको थियो । आइतबार सुरुवाती समयमा सेयर ब्रोकरको कार्यालय नै बन्द गराएर कारोबार रोकेको सेयर लगानीकर्ताका केही नेताहरुलाई अर्थ मन्त्रालयमा बोलाएर छलफलपछि प्राकृतिक व्यक्तिको हकमा पूँजीगत लाभकर नै अन्तिम भएको स्पष्टीकरण दिंदै मन्त्रालयले सूचना प्रकाशित गर्यो ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया