logo

नीति तथा कार्यक्रम बहुमतले पारित, बजेट भोली सार्वजनिक हुँदै

सम्झौताकै आधारमा नीति तथा कार्यक्रम ल्याएको प्रधानमन्त्रीको दावी

    255   पटक पढिएको

१५ जेठ/अर्थ र व्यापार – सरकारको नीति तथा कार्यक्रम बहुमतले पारित भएको छ । आगामी आर्थिक वर्षको नयाँ बजेट भोली सोमबार सार्वजनिक हुँदै छ । जसकालागि सबै तयारी पुरा भएको अर्थमन्त्रालयले जनाएको छ ।
प्रधानमन्त्री पुष्पकमल दाहाल ‘प्रचण्डले सम्झौताकै माध्यमबाट अघि बढेर सरकारले आगामी आर्थिक वर्ष २०८०/८१ को नीति तथा कार्यक्रम ल्याएको दावी गरेका छन् ।
शनिबार प्रतिनिधिसभाको बैठकमा सांसदहरुले उठाएको प्रश्नको जवाफ दिँदै प्रधानमन्त्री दाहालले यस्तो दावी गरेका हुन । उनले राष्ट्रिय समस्यामा सबैदलहरुबीच आपसी सहमती गरि अघि बढ्न प्रस्ताव नै गरेका थिए । उनले देसको राष्ट्रिय समस्या समाधान गर्नकालागि सबै एकठाउँमा आउनुपर्ने बताए ।
उनले परम्परागत भन्दा भिन्न खालको छोटो र देशको अहिलेको समस्यालाई ठोस र मूर्त रुपमा सम्बोधन हुनेगरी नीति कार्यक्रम तयार गर्ने काम गरिएको बताए । तर, मन हुँदा हुँदै पनि समयको चापले सम्झौतामा अघि बढ्नु पर्दा नीति तथा कार्यक्रम यस्तो आएको उनले प्रष्ट पारे ।
‘यो पटक मैले कोशिश पनि गरे । परम्परा भन्दा भिन्न खालको छोटो र देशको अहिलेको समस्यालाई ठोस र मूर्त रुपमा सम्बोधन हुनेगरी नीति कार्यक्रम तयार पार्दा के होला भन्ने सोचेर, थोरै छलफल राजनीति वृतमा गर्ने कोशिश गरें ’ प्रधानमन्त्री दाहालले भने ।
तर समयको चाप र हाम्रो काम गर्ने तरिकामा ठूलो परिवर्तन तत्काल सम्भव नहुँने हुँदा आफुले अन्तत सम्झौताको माध्यमबाट अगाडि बढ्नुपर्ने बाध्यता महसुस गरेको उनले बताए ।
प्रधानमन्त्री दाहालले परम्परालाई पनि आत्मसाथ गरेर जानुपर्ने र केहि नयाँ कुराहरु पनि सम्बोधन गरेर जानुपर्ने आवश्यकतालाई यस नीति तथा कार्यक्रममा समेट्ने प्रयास गरिएको बताए । अब यसमा केसैले पनि बिबाद गरि अवरोध नपु¥याउन प्रधानमन्त्री दाहालले सबैलाई आग्रह गरे ।
उनले सुकुम्बासी र अव्यवस्थित बसोबासीहरुको समस्या दुई वर्षभित्र समाधान गर्ने घोषणा समेत गरे । प्रतिनिधिसभामा सरकारको नीति तथा कार्यक्रममाथि उठेका प्रश्नहरुको जवाफ दिँदै उनले यस्तो घोषणा गरेका हुन् । नीति तथा कार्यक्रममा पनि भूमिहीन, सुकुम्बासी तथा अव्यवस्थित बसोबासीहरुको समस्या समाधान गर्ने विषय उल्लेख छ ।
सो बैंठकमा प्रतिपक्षि दल नेकपा एमालेकी सांसद शोभा ज्ञवालीले सरकारले गठबन्धनको आडमा नीति तथा कार्यक्रमलाई पास गर्न खोजेको भन्दै कडा आक्रोश पोखेकी थिइन् ।
नीति तथा कार्यक्रममाथि आफ्नो धारणा राख्ने क्रममा संसदमा उनले गठबन्धनको आडमा जे गर्दा पनि हुन्छ भन्ने सोच पूरा हुन नदिने चेतावनी दिदैं राष्ट्रिय एकता पार्टी दर्ता गर्न गठबन्धनलाई सुझाव दिईन् ।
उनले भनिन् ‘किन गठबन्धन भन्नु हुन्छ राष्ट्रिय एकता पार्टी भनेर पार्टी दर्ता गरे भै हाल्यो नी शुभकामना छ यहाँहरुलाई । तर, तपाँइहरुको स्वार्थ र गठबन्धनको स्वार्थ नेपाली जनताले पूरा हुन दिने छैनन् । नीति र कार्यक्रम सबै ठीक भए किन सत्ता पक्षका सांसदहले संशोधन हाल्नु भएको ? ’उनले आफ्नो पार्टीका अध्यक्षमाथि प्रतिपक्षले उठाएका प्रश्नबारे समेत आक्रोश पोखेकी थिइन । यसैगरि, सो बैठकमा प्रधानमन्त्री दाहाल समक्ष सांसदहरुले विभिन्न प्रश्न गरि जवाफ मागेका थिए ।
यो नीति तथा कार्यक्रम संसदबाट बहुमतले पास भएपछि सरकारले आगामी सोमबार आर्थिक वर्ष २०८०÷८१कालागि विनियोजित नयाँ बजेट सार्वजनिक गर्ने छ । विशेषगरि खर्च कटौटी एवं मितव्यीतालाई जोड दिएको सरकारले यसपाली पनि विगतका वर्षहरुमा जस्तै अधिकाँश पुरानै कार्यक्रमलाई निरन्तरता दिएर आगामी नयाँ बजेट ल्याउने छ ।
लक्ष्यअनुसार राजस्व संकलन गर्न नसकेको सरकार आगामी वर्ष खर्च कटौतीको नीति लिनैपर्ने दबाबमा छ । त्यसेले सरकारले यसपालीको नयाँ बजेटमा मितव्यीतालाई विशेष जोड दिने छ ।

तपाईको प्रतिक्रिया

सम्बन्धित शीर्षकहरु

मुख्य खबर

नवनियुक्त प्रधानमन्त्री ओलीले पहिलो दिनमै गठन गरे २२ सदस्यीय मन्त्रिपरिषद

आफु प्रधानमन्त्री भएको पहिलो दिन सोमबार नवनियुक्त प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् ।

अख्तियारले भ्रष्टाचारको गोप्य उजुरीमा अब संकेत नम्बर राख्ने

अख्तियार दुरुपयोग अनुसन्धान आयोगले गोप्य उजुरीलाई अब संकेत नम्बर दिएर दर्ता गर्ने भएको छ । उजुरीकर्ताले आफ्नो नाम तथा ठेगाना गोप्य राख्ने गरी उजुरी दिएको खण्डमा आयोगले संकेत नम्बर प्रयोगको व्यवस्था गरेको हो ।

समृद्धि बहस मेगा टक शो आयोजना हुने

प्वाईन्ट मिडिया प्रा.लि.ले आगामी २८ असारमा समृद्धि बहस मेगा टक शो आयोजना गर्ने भएको छ । अर्थतन्त्रका विविध विषयमा सम्बन्धित सरोकारवाला, सरकारी निकाय, तथा निजी क्षेत्रको उपस्थितीमा बृहत छलफल

प्रकाशकीय : विकास र समृद्धिका लागी पत्रकारिता

मुलुकको अर्थतन्त्र कुनै न कुनै रुपमा लामो समयदेखि समस्यामा छ । नेपाल राष्ट्र बैंक र सरकारी निकायहरुले मुलुकको अर्थतन्त्रमा कुनै समस्या नरहेको वताए पनि यथार्थमा त्यस्तो देखिँदैन । बाह्य क्षेत्रमा सुधार देखिए पनि आन्तरिकतर्फ

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।