२९ बैशाख/अर्थ र व्यापार – नेपाल उद्योग वाणिज्य महासंघको पूँजी बजार फोरमको सभापतिमा शैलेन्द्र गुरागाई नियुक्त भएका छन् ।
महासंघको पहिलो कार्यकारिणी समितिको बैठकले गुरागाईलाई सो पदमा नियुक्त गरेको हो । गुरागाई महासंघको कार्यकारिणी समितिका निर्वाचित सदस्य हुन् ।
महासंघको गरिमा तथा प्रतिष्ठालाई अझ सशक्त रूपमा अघि बढाउन गुरागाईको सभापतित्वमा गठित समितिले जिम्मेवारीपूर्वक काम गर्ने अध्यक्ष चन्द्रप्रसाद ढकालले बताएका छन् ।
उनले यस समितिले अपेक्षा गरिएको भन्दा राम्रो काम गर्ने आफुलाई लागेको बताए ।