३० चैत/अर्थ र व्यापार – नेपाल उद्योग वाणिज्य महासंघको पहिलो चरणको निर्वाचनबाट कसैलेपनि ५० प्रतिशत मतभार कटाउन नसकेपछि बरिष्ठ उपाध्यक्ष पदमा अञ्जनकुमार श्रेष्ठ र उमेशलाल श्रेष्ठबीच पुनः निर्वाचन हुने भएको छ ।

पहिलो चरणको निर्वाचनबाट बरिष्ठ उपाध्यक्षका अर्का प्रत्यासी रामचन्द्र संघाई प्रतिस्पर्धाबाट बाहिरिएका छन् । अब हुने दोस्रो चरणको निर्वाचनमा बरिष्ठ उपाध्यक्षका प्रत्यासी अन्जनकुमार र उमेशलाल श्रेष्ठबीच तिब्र प्रतिस्पर्धा हुँदै छ । महासंघको इतिहासमै अहिले यस्तो दुई चरणको निर्वाचन गर्नुपर्ने अवस्था आइलागेको हो ।  अझै यदि यि दुईजना बरिष्ठ उपाध्यक्षका प्रत्यासी उम्मेदवारबीच आगामी तिनवर्षे कार्यकाल आधा आधा समय बाँडेर लिन सक्ने विकल्प पनि छ । तर, अहिलेसम्मको अवस्था हेर्दा अब यि दुईजना बरिष्ठ उपाध्यक्षका प्रत्यासीबीच पुनः दोस्रो चरणको निर्वाचन नै हुने देखिएको छ । 

बुधबार काठमाडौमा सम्पन्न भएको महासंघको निर्वाचनको सबै मतगणना परिणाम बिहीबार बिहान सार्वजनिक भएको हो । यस निर्वाचनबाट कसैले पनि ५० प्रतिशत मतभार कटाउन नसकेपछि सबैभन्दा धेरै मत पाएका अञ्जनकुमार श्रेष्ठ र उमेशलाल श्रेष्ठबीच पुनः दोस्रो चरणको निर्वाचन हुन लागेको हो ।पहिलो चरणको निर्वाचनबाट बरिष्ठ उपाध्यक्षका प्रत्यासी अञ्जन श्रेष्ठले ३७.९९ प्रतिशत मतभार ल्याएका थिए भने उनका निकटतम प्रतिस्पर्धी उमेशलाल श्रेष्ठले ३१.७१ प्रतिशत मतभार ल्याएका थिए । सबैभन्दा कम ३०.४६ प्रतिशत मतभार पाएका रामचन्द्र संघाई यो निर्वाचनबाट बाहिरिएका कारण अब संघाईले दोस्रो चरणको प्रतिस्पर्धामा सहभागी नै हुन पाउने छैनन । 
महासंघको विधान अनुसार बरिष्ठ उपाध्यक्षमा निर्वाचित उम्मेदवार तीनवर्षे कार्यकालपछि स्वतः अध्यक्ष हुने प्रावधान छ । महासंघको ५७ औं वार्षिक साधारण सभा र यस निर्वाचनकालागि अहिले देसभरका व्यवसायी काठमाडौमा जम्मा भएका छन । पहिलो चरणको निर्वाचनबाट एकजना बरिष्ठ उपाध्यक्ष चुन्ने काम बाहेक अन्य ६३ वटा पदमा नयाँ नेतृत्व चयन भईसकेको छ । 

 यस निर्वाचनबाट एसोसिएट, जिल्ला/नगर र वस्तुगत तर्फबाट गरि तिनजना उपाध्यक्ष चयनकालागि भएको चुनावी प्रतिस्पर्धाबाट नयाँ उपाध्यक्षहरु विजयी  भएका छन । एसोसिएटतर्फको उपाध्यक्षमा रामचन्द्र संघाई समुहकी ज्योत्सना श्रेष्ठ, जिल्ला/नगर उपाध्यक्षमा रामचन्द्र संघाइ समुहाकै सुरकृष्ण वैद्य र वस्तुगत उपाध्यक्षमा उमेशलाल श्रेष्ठ समुहका हेमराज ढकाल विजयी भएका छन् ।

यी हुन् एशोसिएट, जिल्ला नगर र वस्तुगततर्फ विजयी सदस्यहरु 

एशोसिएट, जिल्ला नगर र वस्तुगततर्फबाट विजयी कार्यकारीणी सदस्यहरु मध्ये डा.रामशरण थपलियाले एसोसियट तर्फबाट सबैभन्दा धेरै १४४० मत ल्याएर विजयी भएका छन । यसैगरि, नरेशलाल श्रेष्ठ ९१, मोहनप्रसाद श्रेष्ठ ९१, मनोज पौडेल १३७३, लिलेन्द्रप्रसाद प्रधान ८९ मतकासाथ विजयी भएका छन ।  यसैगरि, प्रयास कार्की ८८, आनन्द कुमार बगेरिया १३६४,हरिबहादुर कार्की ८२, अमरेशन चन्द बैदार८१ , अम्बिका प्रसाद पौडेल १३६३ , शिव प्रसाद घिमिरे ८१ मत ल्याएर विजयी भएका हुन ।

ताराबहादुर कार्की ८१,् सुनिल नारायण श्रेष्ठ १३४२, अरनिको राजभण्डारी ७६,नवीन रिजाल ७९, सुशील थापा १३२९,  डा. सुबोध कुमार गुप्ता ७५ मत ल्याएर विजयी भए । कल्पना गैरे ७७,  शैलेन्द्र गुरागाईं १३१५, रविन पुरी ७४, उमेश डालमिया ७३, राजेशकुमार अग्रवाल १३१२, नानीराज घिमिरे ७२, उज्जलप्रसाद कसजु ७२,  हेमन्त गोल्छा १३००,  भक्तबहादुर हमाल ७२, बेदबहादुर श्रेष्ठ ७२,  देशबन्धु बस्नेत १२८४,  शोभा ज्ञवाली ७२ मत ल्याएर विजयी भएका हुन ।  

अब्दुल बाहित मन्सुरी ७०, अविनाश बोहोरा १२७५, मनोज अधिकारी ६७, मन्जुकुमार श्रेष्ठ (कोजु) ७०, गोपाल खनाल १२६५, कमला श्रेष्ठ ६६, किशोरकुमार आचार्य ६९,उज्वल कुमार श्रेष्ठ ११९१, पशुपतिदेव पाण्डे ६५ मत ल्याएर विजयी भएका छन । यसैगरि, केशवप्रसाद भण्डारी ६७, प्रवलजंग पाण्डे ११२८ , राजकुमार कार्की ६२,कृष्ण कटुवाल ६७ , जुना माथेमा ९९१, पुष्पराज कुँवर ६६,  शक्ति कुमार बेगानी ९८८, अनिलकृष्ण श्रेष्ठ ६४, सन्दिप कुमार अग्रवाल ९२५, गोकुल श्रेष्ठ ६४, ऋषी अग्रवाल ८८१,निरक केसी ६३ मत र मुकुन्द प्रसाद तिमल्सिना ८४२ मत ल्याएर विजयी भएका हुन ।