२६ चैत/अर्थ र व्यापार – पोखराबाट धवलागिरी हिमालको आधार शिविर गएको कार्गो हेलिकप्टर धवलागिरी आधार शिविरको ढिस्कोमा ठोक्किएर दुर्घटना भएको छ ।
दुर्घटनामा हेलिकप्टरकी क्याप्टेन प्रिया अधिकारी घाइते भएकी छिन् । उनलाई अहिले एयर डाइनाष्टीको हेलिकप्टरले उद्दार गरी काठमाडौं ल्याइरहेको छ ।
सो दुर्घटनामा हेलिकप्टरमा क्याप्टेन अधिकारी मात्रै थिइन् ।
हेलिकप्टर अवतरण गर्न लाग्दा दुर्घटना भएको हुनसक्ने अनुमान गरिएको छ । ९एन एएनबी कलसाइनको सो हेलिकप्टर पल्टिएर दुर्घटना भएको नेपाल नागरिक उड्डयन प्राधिकरणका सुचना अधिकारी ज्ञानेन्द्र भुलले बताए । पोखराबाट १२ः०५ मिनेटमा उडेको यो हेलिकप्टरले अन्नपूर्ण आधार शिविर र धवलागिरी आधार शिविरमा सामान ओसार्ने काम गरिरहेको थियो ।