७ चैत/ अर्थ र व्यापार – नेपाल उद्योग वणिज्य महासंघको आगामी २८ र २९ चैतमा हुने निर्वाचनमा नेपाल तयारी पोसाक उद्योग संघका अध्यक्ष पशुपतिदेव पाण्डेले केन्द्रिय सदस्यमा उम्मेदवारी दिने भएका छन ।
‘समृद्धि बहस’ कार्यक्रममा नविन काफ्लेसँग कुरागर्दै पाण्डेले बस्तुगतको तर्फबाट केन्द्रिय सदस्यमा उम्मेदवारी दिने बताएका हुन ।
‘प्योर क्लोथिङ’का संचालक एवं प्रवन्ध निर्देशक पाण्डेले तयारी पोसाक उद्योग, हस्पिटालिटी तथा रेस्टुरेन्ट व्यवसाय, निर्यात र पर्यटन क्षेत्र लगायत समग्र स्वदेशी तयारी पोसाक उत्पादनमुलक उद्योगीका क्षेत्रको प्रतिनिधीत्व गरि यसपालीको निर्वाचनमा महासंघको केन्द्रिय सदस्य पदमा आफ्नो उम्मेदवारी दिने बताएका हुन । उनले प्योर क्लोथिङ तयारी पोसाक उद्योग र हस्पिटालिटीको क्षेत्रमा गरि २५० जनालाई रोजगारी दिएका छन ।
पाण्डे विगत २० वर्षदेखि तयारी पोसाक तथा निर्यातजन्य बस्तु उत्पादन व्यवसायमा सक्रिय छन । उनले हाल तयारी पोसाकसँगै हस्पिटालिटी तथा रेस्टुरेन्ट व्यवसाय पनि सञ्चालन गर्दै आएका छन ।
नेपाल तयारी पोसाक उद्योग संघको अध्यक्ष तथा विभिन्न पदमा रहेर सफलतापूर्वक काम गरेको आफ्नो अनुभवलाई महासंघमा लगाउने उद्देश्य लिएर आगामी निर्वाचनमा केन्द्रिय सदस्यमा उम्मेदवारी दिन लागेको उनले बताए ।
‘महासंघको आगामी कार्यसमितिमा बसेर महासंघ मार्फत स्वदेशी तयारी पोसाक तथा निर्यात क्षेत्रका व्यवसायीक एजेन्डाहरुलाई लागु गर्न पहल गर्ने र महासंघको आगामी नयाँ नेतृत्वलाई सफल पार्न सक्दो प्रयास गर्ने छु’ केन्द्रिय सदस्यका उम्मेदवार पाण्डेले भने ।
बढ्दो व्यापार घाटालाई न्युन गर्दै देशलाई आर्थिक रुपले सम्पन्न बनाउन निर्यात जन्य उत्पादनको प्रवद्र्धनमा जोड दिनुपर्ने उनले बताए । उद्योगी व्यवसायीहरुले महासंघ खोज्नुपर्ने भन्दा महासंघले साना मझौला तथा ठुला सबै उद्योगीलाई खोज्नुपर्ने वातावरण निर्माणकालागि आफुले केन्द्रिय सदस्यमा उम्मेदवारी दिने बताए ।
महासंघमा बस्तुगत संघहरुको भूमिकालाई थप प्रभावकारी बनाउँदै वस्तुगत संघहरुका एजेन्डाहरु लागु गराउन सरकार र सरोकारवाला निकायसँग लविङ गर्ने चुनावी एजेन्डा रहेको भन्दै उनले आफुले स्वदेशी मौलिकता भएका बस्तुहरुको प्रवद्र्धनमा विशेष जोड दिने बताए ।
अहिले आफु तयारी पोसाक उद्योग संघको नेतृत्वमा बसेर काम गरिरहेको अनुभव तथा विविध समस्याहरुबारे सरकार र अन्य सरोकारवालाहरुसँग आपसी सहकार्य गरि अघि बढ्न पनि महासंघको केन्द्रिय सदस्य बन्नकालागि सबै साना तथा मझौला व्यवसायीले थप उत्साहित बनाईरहेको उनले बताए ।
उनले साना, मझौलादेखि ठूला व्यवसायीका समस्या समाधान गर्नकालागि आफूले उम्मेदवारी दिने बताएका छन् । साना, मझौला र ठूला व्यवसायलाई आफूले सुक्ष्म तरिकाबाट बुझेको र ती समस्या समाधानका लागि आफूले महासंघमा बसेर यस्ता उद्योगीबीच सहज पहुँच बढाउन महत्वपूर्ण भूमिका खेल्ने भन्दै उनले तयारी पोसाक उद्योगीले भोग्दै आएको विविध समास्या समाधानकालागि पनि महासंघको कार्यसमितिमा बसेर आफुले काम गर्न चाहेको बताए ।
अहिलेसम्म धेरै संभावना भएर पनि स्वदेशी बस्तु तथा उत्पादनको गुणस्तरबारे आफ्नै देशका नागरिकलाई सचेत गराउन नसकिएको भन्दै पाण्डेले अब आफु महासंघमा पुगेर यस क्षेत्रको समस्या समाधानको पहल गर्ने प्रतिवद्धता व्यक्त गरे । अहिलेसम्म आफुहरुले गरेको प्रयासकै कारण हाल नेपालमै उत्पादित बस्तुहरु पनि निकै गुणस्तरीय बन्दै गएको दावी गर्दै पाण्डेले उपभोक्ताबीच स्वदेशी बस्तु उपयोगबारे सचेतना जगाउन महासंघको आगामी नेतृत्वले थप पहल गर्नुपर्ने बताए ।
नेपालका तयारी पोसाकको निर्यात प्रवद्र्धनकालागि व्यापार तथा निकासी केन्द्र र सरोकारवाला एवं अन्य सरकारी निकायसँग पनि समन्वय गर्नुपर्ने अवस्था छ भन्दै उनले तयारी पोशाक उत्पादन गर्ने साना तथा मझौला उद्यमीलाई प्रोत्साहन गर्दै अघि बढ्नकालागि पनि अहिले आफु महासंघको केन्द्रिय सदस्यमा जान लागेको बताए ।
गार्मेन्ट्सका बस्तु एवं तयारी पोसाकको निर्यातमा कुनै समय नेपाल विश्वको उत्कृष्ट १० भित्र परेको स्मरण गर्दै उनले अहिले घटेको स्वदेशी बस्तुको निर्यात बढाउन आफुले महासंघमा गएर राम्रो काम गर्न चाहेको बताए ।
आफुलाई महासंघको केन्द्रिय सदस्यमा पुग्नकालागि तयारी पोसाक उद्योग संघ लगायत अन्य बस्तुगत संघका व्यवसायी साथीहरुले तिब्र चाँहना गरिरहेकाले अब उनीहरुको चाँहना पुरा गर्न महासंघको केन्द्रिय सदस्यमा निर्वाचित भएर उदाहरणीय काम गरेर देखाईदिने उनले बताए ।