२७ पुस /अर्थ र व्यापार – नेपाल रत्न तथा आभुषण संघको आयोजनामा चौथो जेम एन्ड ज्वेलरी एक्स्पो हुने भएको छ । तीन दिनसम्म चल्ने सो एक्स्पो काठमाडौको दरवारमार्गस्थित होटल याक एण्ड यतिमा हुँदै छ । संघका अनुसार भोली बिहीबार ज्वेलरी फेसन शो आयोजना हुँदैछ भने एक्स्पो आगामी शुक्रबारदेखि १ माघसम्म चल्ने छ ।
संघकी अध्यक्ष ज्योत्सना श्रेष्ठले ‘टकिङ नेपलिज ज्वेलरी ग्लोबली’ भन्ने मुख्य लक्ष्यका साथ यस्तो कार्यक्रम आयोजना गर्न लागेको बताइन् । उनले नेपालको गर–गहना विदेशमा निर्यात गरी नेपाली अर्थतन्त्रमा सघाउ पु¥याउन ज्वेलरी फेसन शो र एक्स्पोको आयोजना गर्न लागेको जानकारि गराइन ।
ज्वेलरी फेसन शो मा बलिउडकी चर्चित अभिनेत्री तथा मोडल मल्लैका अरोराले नेपाली पोशाक र गर गहनाका साथ ¥याम्पमा उत्रिने संघले जनाएको छ । आगामी बिहीबार साँझ ६ बजे बलिउड अभिनेत्री अरोराले मोडलिङ गर्न लागेको संघले जनाएको छ ।
निःशुल्क रुपमा प्रवेश पाइने जेम एन्ड ज्वेलरी एक्स्पोको उद्घाटन भने शुक्रबार होटल याक एन्ड यतिमा १२ः ३० मा हुनेछ । एक्स्पो बिहान १० देखि साँझ ७ बजे सम्म सञ्चालन हुने संघले जनाएको छ ।