logo

सरकारले सवारी साधन,मोबाइल र मदिराको आयात प्रतिबन्ध हटायो,१ पुसबाट कार्यान्वयनमा आउने

    204   पटक पढिएको


२१ मंसिर/अर्थ र व्यापार– चौतर्फी दबाबपछि सरकारले महंगा सवारी साधन, मोबाइल र मदिराको आयात प्रतिबन्ध हटाएको छ । बढ्दो आयात नियन्त्रणको उपाएकालागि भन्दै विगत आठ महिनादेखि लगाउँदै आएको सवारी साधन, महंगा मोबाइल, मदिरा र मोटरसाइकलको आयात प्रतिबन्ध मंगलबारको मन्त्रिपरिषद बैठकले हटाउने निणर्य गरेको हो ।
मन्त्रिपरिषद्ले गरेको यो निणर्य आगामी १ पुसदेखि लागू हुने छ । यसअघि आयातमा प्रतिबन्ध लगाइएका यि चार प्रकारका विलासिताका बस्तुहरुको आयात खुलाउने निर्णय मन्त्रिपरिषद बैठकले गरेको उद्योग, वाणिज्य तथा आपूर्तिमन्त्री दिलेन्द्रप्रसाद बडूले जानकारी दिए ।
मुख्यसचिव शंकरदास बैरागीको संयोजकत्वमा गठित समितिले आयातमा लगाइँदै आएको प्रतिवन्ध खुलाउन सिफारिस गरेको थियो । मंगलबार बसेको मन्त्रिपरिषदको बैठकले सो प्रस्तावलाई स्वीकृत गर्ने निर्णय गरेको जानकारी गराउँदै मन्त्री बडुले आगामी मंसिरमसान्तपछि यस्ता बस्तुमाथी लगाईएको आयात खुल्ने बताए ।
हाल दैनिक उपभोग्य बस्तु लगायत हरेक क्षेत्र आयातमा निर्भर भएर देसको ढुकुटीमा विदेशी मुद्रा सञ्चितिदर ह्वात्तै घटेपछि सरकारले गत वैशाखदेखि विभिन्न १० प्रकारका वस्तुको आयात प्रतिबन्ध लगाएको थियो । तीमध्ये गत भदौमा सरकारले विभिन्न ६ प्रकारका बस्तुको आयात प्रतिबन्ध खुलाएर बाँकी ४ प्रकारका बस्तुहरुमाथीको आयात प्रतिवन्धलाई भने अहिलेसम्म कायमै राख्दै आएको थियो ।
यो मन्त्रिपरिषदको निणर्यपछि भने अब सबै प्रकारका निजी चारपांग्रे सवारीसाधन, १५० सीसीमाथिका मोटरसाइकल, विदेशी तयारी मदिरा र ३ सय डलरमाथिका मोबाइल फोन आयात प्रतिबन्ध हट्ने छ ।
यसअघि निजी क्षेत्रका विभिन्न व्यवसायीक छाता संस्थाहरु नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, नाडा अटो मोबाइल एसोसिएसन लगायतले यि विभिन्न चार प्रकारका बस्तुहरुमाथी लगाइँदै आएको आयात प्रतिवन्ध तत्काल हटाउन माग गर्दै सरकारलाई दबाब दिँदै आएका थिए ।
गत शुक्रबार मात्र नाडा अटो मोबाइल एसोसिएसनले लामो समयदेखि सवारीसाधन आयातमा लगाइँदै आएको प्रतिबन्ध नहटाएको भन्दै आगामी बिहीबारदेखि कडा आन्दोलन गर्ने घोषणा गरेको थियो ।
हाल कायम सवारी साधनको आयात प्रतिबन्धले मुलुकको अटो व्यवसाय धरासायी हुने अवस्थामा पुगेपछि सरकार र नेपाल राष्ट्र बैंकलाई दबाब दिन अटोमोबाइल व्यवसायीले आपूmहरू बाध्य भएर आन्दोलनमा जाने घोषणा गरेका थिए । सवारीसाधन लगायत विलासिताका वस्तुहरूको आयातमा लगाइएको प्रतिबन्ध तत्काल हटाउन माग गर्दै नाडाले चरणवद्ध आन्दोलनका कार्यक्रम गर्ने चेतावनी दिएको थियो ।
अटो व्यवसायीले विगत आठ महिनादेखि सरकारले मुलुकको विदेशी मुद्रा सञ्चितिमा चाप परेको भन्दै सवारीसाधन लगायत महँगा चार प्रकारका विलासिताका वस्तुहरूको आयात रोकेर आफ्नो व्यवसाय नै धरापमा परेको भन्दै तत्काल सो प्रतिवन्ध हटाउन दबाब दिँदै आएका थिए । व्यवसायीको दबाबमा परेको सरकारले निर्वाचन सकिएपछि हाल कायम रहेको आयात प्रतिवन्ध हटाउने निणर्य गरेको हो ।
गत ४ मंसिरमा सम्पन्न प्रतिनिधी सभा र प्रदेश सभाको निर्वाचनअघि चुवानी कार्यक्रममा दिएको आश्वासन अनुरुप नै वर्तमान गठवन्धन सरकारले व्यवसायी खुसी पार्न यस्तो निणर्य गरेको हो ।
यसअघि व्यवसायीले सरकार समक्ष चर्को बैंक ब्याजदर नियन्त्रण, ५० प्रतिशत नगद मार्जिन घटाउने, शतप्रतिशत नगद मार्जिन राख्नुपर्ने व्यवस्था खारेज तथा मौद्रिक नीति परिमार्जन लगायतका माग राख्दै आएको थियो ।
विगत आठ महिनादेखि पेट्रोलबाट चल्ने निजी सवारीसाधन पूर्ण रूपमा आयात प्रतिबन्ध छ भने दुईपांग्रेतर्फ १५० सीसी तलका मोटरसाइकल मात्रै आयात खुला गरिएको अवस्था छ । राष्ट्र बैंकले आयात गर्न पाउने सवारी साधनमा शतप्रतिशत मार्जिनको व्यवस्था कायमै राखेको छ । सरकारले यसअघि गरेको निणर्य अनुसार हाल सवारीसाधन आयातमाथि प्रतिबन्ध लम्ब्याएको अवधि यही मंसिर मसान्तसम्म कायम छ ।
यसअघि यि चार प्रकारका विलासिताका बस्तुहरुको आयात प्रतिबन्ध हटाउन नेपाल राष्ट्र बैंक र अर्थ मन्त्रालयले उद्योग, वाणिज्य तथा आपूर्ति मन्त्रालयलाई सुझाव दिएको थियो । उद्योग, वाणिज्य तथा आपूर्तिमन्त्री बडूले आयात प्रतिबन्ध फुकुवा गर्ने विषयमाबारे प्रस्ताव मन्त्रिपरिषदमा राखेका थिए। सोही प्रस्तावमाथी छलफल भई आगामी मन्त्रिपरिषले १ पुसबाट आयात प्रतिवन्ध हटाउने निणर्य गरेको हो । मन्त्रिपरिषद्ले गरेको यो निर्णय अब राजपत्रमा प्रकाशित भएपछि आयात प्रतिबन्ध फुकुवा हुनेछ ।

तपाईको प्रतिक्रिया

सम्बन्धित शीर्षकहरु

मुख्य खबर

प्रधानमन्त्री दाहालले गरे मन्त्रिमण्डल विस्तार, नवनियुक्त मन्त्रीहरूले लिए शपथ

प्रधानमन्त्री पुष्पकमल दाहाल ‘ प्रचण्ड’ नेतृत्वमा गठित मन्त्रिमण्डल विस्तार भएको छ ।

चालक दलका सदस्य सहित ७२ जना सवार यतीको विमान पोखरामा दुर्घटना ,उद्धार कार्य जारि

काठमाडौंबाट ६८ जना यात्रु र चालक दलका चार जना सदस्य सहित पोखराका लागि उडेको यती एयरलाइन्सको ९एन एएनसी एटीआर ७२ विमान आइतबार बिहान पोखरामा दुरघटनाग्रस्त भएको छ ।

नवनियुक्त प्रधानमन्त्री दाहालद्धारा ३ उपप्रधानमन्त्रीसहित ८ सदस्यीय मन्त्रिपरिषद गठन ,अर्थमन्त्रीमा विष्णु पौडेल

नवनियुक्त प्रधानमन्त्री पुष्पकमल दाहाल ‘प्रचण्ड’ ले तिन उपप्रधानमन्त्री सहित ८ सदस्यीय नयाँ मन्त्रिपरिषद गठन गरेका छन् ।

आर्थिक समृद्धि नारामै सिमित, अझै प्राथमिकतामा परेन विकासका एजेण्डा

गत ४ मंसिरमा सम्पन्न भएको प्रतिनिधि सभा र प्रदेश सभाको निर्वाचनका बेला विभिन्न राजनितिक दलहरुले आ– आफ्ना पार्टीको घोषणापत्र मार्फत आम नागरिक समक्ष ‘मुलुकलाई आर्थिक रुपले समृद्ध बनाउने’ आकर्षक नारा अगाडी सारेका छन् ।

मनोरञ्जन

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।