१३ मंसिर/अर्थ र व्यापार– नेपाल बीमा प्राधिकरणले सम्बन्धीत बीमा कम्पनीहरुलाई कोरोना बीमाको दावी भुक्तानी दिन निर्देशन दिएपछि मंगलबारबाट सम्बन्धीत बीमा कम्पनीहरुले धमाधम कोरोना दावी बीमा भुक्तानी गर्ने काम सुरु गरेका छन ।
प्राधिकरणको सोही निर्देशन अनुसार एनएलजी इन्स्योरेन्स कम्पनीले पहिलो लटमा २३७ जना बीमितलाई कोरोना बीमाको दावी भुक्तानी दिने भएको छ ।
कम्पनीले मंगलबारदेखि एकल तथा पारिवारिक बीमालेख अन्तर्गत पहिलो दावीकर्ताहरुलाई प्राथमिकतामा राखी उक्त बीमितहरुलाई भुक्तानीको दिन थालेको हो ।
कम्पनीले नेपाल सरकार, अर्थमन्त्रालय, वित्तीय क्षेत्र व्यवस्थापन तथा संस्थान समन्वय महाशाखा र नेपाल बीमा प्राधिकरणको निर्देशन बमोजिम भुक्तानी गर्ने छ ।
इन्स्योरेन्सले दावी फर्छौट हुने कोरोना बीमा दावीकर्ताहरुको विवरण कम्पनीको वेवसाइटमा उपलब्ध गराएको छ । साथै, विवरणमा रहेका बीमितहरुलाई समयमै भुक्तानी लिनसमेत कम्पनीले आग्रह गरेको छ ।
यसैगरि, कम्पनीले बीमितहरुलाई भुक्तानीमा सहज गराउन लागि दुई जना कर्मचारीको फोन नम्बर समेत उपलब्ध गराएको छ ।