३१ साउन/अर्थ र व्यापार – भारतबाट लगातार तिनपटकसम्म भाउ घटेर आउँदा पनि अझै नेपाल आयल निगमले मुल्य घट्दैन भनेर उपभोक्ताको ढाड सेक्ने काम गरिरहेको छ ।
उताबाट ल्याउने बेलामा यसरी तिनपटकसम्म भाउ घटे पनि अझै इन्धनको मूल्य नघटाउने निर्णय गरेको निगमले जनाएको छ । भारतबाट मंगलबार मात्रै पछिल्लो पटक घटेर मूल्य प्राप्त भए पनि निगमले अझै ऋणको दायित्व धेरै भएका कारण हाललाई मूल्य यथावत नै राख्ने निर्णय गरेको पत्रकार सम्मेलन गरि जानकारी दिएको हो ।
‘हामीलामई अझै ऋण र भुक्तानीको बक्यौता धेरै छ, त्यसैले अहिलेलाई मूल्य समायोजन गर्न सकिएन’ निगमका कार्यकारी निर्देशक उमेशकुमार थानीले भने । उनले अब निगम आर्थिक रुपमा सबल हुँदै आएपछि यसबारे केही न केही सम्बोधन हुने बताए ।