८ साउन/अर्थ र व्यापार – माछापुच्छ्रे बैंक लिमिटेडको आर्थिक वर्ष ०७८/०७९ मा खुदनाफा ३४.४३ प्रतिशतले बढेको छ। गत आर्थिक वर्षमा बैंकले २ अर्ब १६ करोड नाफा गरेको छ।
अघिल्लो वर्ष बैंकले १ अर्ब ६० करोड खुदनाफा गरेको थियो बैंकको खुद ब्याज आम्दानी र सञ्चालन मुनाफा बढेसँगै बैंकको नाफा बढ्न पुगेको हो।
सोही अवधिमा बैंकको खुद ब्याज आम्दानी १६.६७ प्रतिशतले बढेर ५ अर्ब ७ करोड पुगेको छ । साथै बैंकको वितरण योग्य मुनाफा १ अर्ब ३२ करोड ८४ लाख रुपैयाँ रहेको छ।
नाफासँगै बैंकको प्रतिशेयर आम्दानी पनि बढेको छ। बैंकको प्रतिशेष्र आम्दानी आम्दानी ३ रुपैयाँ ३१ पैसा बढेर २१ रुपैयाँ ७ पैसा पुगेको छ। त्यस्तैअवधिसम्ममा बैंकको मूल्य आम्दानी अनुपात १२.०६ गुणा रहेको छ भने प्रतिशेयर नेटवर्थ १४५ रुपैयाँ ७० पैसा रहेको छ।
बैंकको चुक्ता पूँजी १३.३० प्रतिशत बढेर १० अर्ब २५ करोड र जगेडा कोष २२.९० प्रतिशत बढेर ३ अर्ब ३२ करोड पुगेको छ।
बैंकको निष्कृय कर्जा भने बढेको ०.८४ पुगेको छ । त्यस्तै बैंकको कर्जा–निक्षेप अनुपात ८६.१६ रहेको छ ।