१५ जेठ/अर्थ र व्यापार – न्यून आय भएका गरिब परिवारका लागि लक्ष्ति गरि ल्याएको आगामी आर्थिक वर्षको बजेट मार्फत सरकारले सहुलियत पसल सञ्चालन गर्ने भएको छ । आगामी आर्थिक वर्षको बजेट प्रस्तुत गर्दै अर्थमन्त्री जनार्दन शर्माले हरेक स्थानीय तहमा सुपथ पसल सञ्चालन गरिने बताएका हुन् ।
यसैगरि, उनले बजेट मार्फत न्यून आय भएका श्रमिक र गरिब परिवार पहिचान गरी खाद्य सुरक्षा परिचयपत्रको व्यवस्था गरिने सरकारको लक्ष्य भएको बताए । थोरै आय भएका परिवारलाई परिचयपत्रको आधारमा सहुलियतदरमा सामग्री उपलब्ध गराउने अर्थमन्त्री शर्माले जानकारि दिए ।
‘न्यून आय भएका श्रमिक र गरिब परिवार पहिचान गरी खाद्य सुरक्षा परिचयपत्रको व्यवस्था गरिने छ,’ आगामी आर्थिक वर्षको बजेट प्रस्तुत गर्दै अर्थमन्त्री शर्माले भने, ‘हरेक स्थानीय तहमा सुपथ पसल सञ्चालन गरी सोही परिचयपत्रको आधारमा सहुलियतदरमा उपलब्ध गराउने व्यवस्था गरिनेछ ।’