२२ चैत/अर्थ र व्यापार – आगामी १९ जेठदेखि १६ औं अन्तर्राष्ट्रिय औद्योगिक प्रदर्शनी हुने भएको छ । सो प्रदर्शनी आगामी २३ जेठसम्म चल्ने छद । स्वदेशी बस्तुहरुको प्रवद्र्धन गर्ने उदेस्यले आयोजना गर्न लागिएको ‘नेपाल १६ औ अन्तर्राष्ट्रिय औद्योगिक व्यापार मेला तथा घरेलु उद्योग महोत्सव–२०७९ ’ काठमाडौमा आयोजना हुने छ ।
नेपाल घरेलु तथा साना उद्योग महासंघले राजधानीको प्रदर्शनीमार्गस्थित भृकुटीमण्डप परिसरमा १६ औं अन्तर्राष्ट्रिय औद्योगिक प्रदर्शनी आयोजना गर्न लागेको हो । ‘मेड इन नेपाल’ अभियानको रुपमा स्वदेशी उत्पादनको प्रवद्र्धन गर्ने उद्देश्यले आयोजना गर्दै आएको अन्तर्राष्ट्रिय औद्योगिक व्यापार मेला यसअघि कोरोना महामारीको कारण विगत दुई वर्षदेखि नै स्थगित हुँदै आएको थियो ।
महासंघले दिएको जानकारी अनुसार महासंघका उपाध्यक्ष शोभा गुरुङको संयोजकत्वमा ‘प्रदर्शनी आयोजक समिति’ गठन गरी यसको तयारीको काम शुरु भइसकेको छ ।