७ चैत/अर्थ र व्यापार – स्वदेशी हस्तकला व्यवसायीहरुको छाता संस्था नेपाल हस्तकला महासंघको अध्यक्षमा प्रचन्ड शाक्य निर्वाचित भएका छन् । यसअघि उनी महासंघको निवर्तमान बरिष्ठ उपाध्यक्ष थिए । काठमाडौमा सम्पन्न महासंघको ४२ औं वार्षिक साधारणसभाबाट शाक्यक्षको अध्यक्षतामा नयाँ कार्यसमिति चयन भएको हो ।
महासंघको बरिष्ठ उपाध्यक्षमा सनम शाक्य,जिल्ला र प्रदेश हस्तकला संघ उपाध्यक्षमा दीपेन्द्र शाक्य, बस्तूगत संघ उपाध्यक्षमा अमृत खड्का,उद्योगतर्फको उपाध्यक्षमा दिव्यतारा तूलाधर, वाणिज्यतर्फको उपाध्यक्षमा दिल्लीरत्न तूलाधर, नविन शाक्य,एशोसिएयटतर्फ किरणकुमार स्थापित निर्वाचित भएका छन् ।
यसैगरि,महासंघको केन्द्रिय सदस्यहरुमा गणेशमान राजचल,पद्मराज बराल,रेखा अर्याल,श्रीकृष्ण प्रजापति,अमुल्यदेवी शाक्य, रत्नमूनी ब्रम्हाचार्य, विक्रम सिंह महर्जन, प्रताप शाक्य, मिलनवीर मालाकार, राकेश बज्राचार्य, उदिप शाक्य, माणिकमान शाक्य, विकाश शाक्य, सूजनरत्न शाक्य र दिपेन्द्र शाक्य निर्वाचित भएको महासंघले जानकारी दिएको छ ।