logo

संघिय राजधानी केन्द्रित वैदेशिक लगानी , कुल लगानीको ४३ प्रतिशत हिस्सा काठमाडौंमै

    156   पटक पढिएको

२ मंसिर / अर्थ र व्यापार – चालु आर्थिक वर्षको पछिल्लो ४ महिनामा नेपालमा २३ अर्ब बढीको वैदेशिक लगानी (एफडीआई) प्रतिवद्धता प्राप्त भएको छ । उद्योग विभागका अनुसार चालु आर्थिक वर्ष २०७८ / ७९ को वितेको चार महिना गत साउन महिनादेखि कात्तिक महिनासम्म विभिन्न ११० परियोजना मार्फत २३ अर्ब ८२ करोड २ लाख रुपैयाँ लगानी प्रतिवद्धता आएको छ । 
गत आवको सोही अवधीको तुलनामा ४ अर्ब ११ करोड रुपैयाँ बढीले लगानी प्रतिवद्धता आएको छ तर, यसरी वृद्धि भएको लगानी प्रतिवद्धता भने मुलुकको संघिय राजधानी काठमाडौं केन्द्रित हुँदैं गएको देखिन्छ ।
गत आवको यही अवधिमा नेपालमा एकसय परियोजना मार्फत १९ अर्ब ७० करोड रुपैयाँ बराबरको लगानी प्रतिवद्धता आएकोमा यो वर्ष बढेर २३ अर्ब ८२ करोड रुपैयाँ पुगेको छ । यसरी, वैदेशिक लगानी प्रतिवद्धतामा वृद्धि हुँदै गर्दा लगानी भने संघीय राजधानी काठमाडौं केन्द्रित भएको देखिन्छ । धेरैजसो वैदेशिक लगानीकर्ताहरुले विभिन्न साना ठूला परियोजनाहरु काठमाडौंमै निर्माण गर्नेगरि विभागमा लगानी प्रतिवद्धता गरेको पाईएको छ । चालु आवको पछिल्लो ४ महिनामा काठमाडौंमै केन्द्रित रहेर ६३ उद्योगले १० अर्ब ३४ करोड रुपैयाँ लगानीको प्रतिवद्धता जाहेर गरेका छन् । 
चालु आवको वितेका ४ महिनामा आएको कुल वैदेशिक लगानीको ४३ प्रतिशत बढी लगानी काठमाडौंमै केन्द्रित रहेको विभागले जनाएको छ । पछिल्लो ४ महिनामा काठमाडौंमा आएको वैदेशिक लगानी प्रतिवद्धता मध्ये सबैभन्दा बढि प्रतिवद्धता भने पर्यटन क्षेत्रमा आएको छ । विभागको तथ्यांक अनुसार यस अवधिमा काठमाडौंमा पर्यटन क्षेत्रमा मात्रै ७ अर्ब ५ करोड रुपैयाँ बराबरको लगानी प्रतिवद्धता आएको हो । 
यस्तै, सेवा क्षेत्रमा पनि यस अवधिमा २ अर्ब ५८ करोड रुपैयाँको लगानी प्रतिवद्धता आउँदा उर्जामुलक क्षेत्रका उद्योगमा ५ करोड रुपैयाँ लगानी प्रतिवद्धता आएको छ । पछिल्लो ४ महिनामा काठमाडौंमा उत्पादनमुलक र सूचना प्रविधि क्षेत्रमा क्रमशः ३५ करोड र ३० करोड रुपैयाँ बराबरको लगानी प्रतिवद्धता आएको देखिन्छ ।
अझ गत आर्थिक बर्षमा काठमाडौं केन्द्रित लगानी प्रतिबद्धता झण्डै दोब्बर रहेको थियो । गत वर्षको तुलनामा यो वर्ष काठमाडौं केन्द्रित वैदेशिक लगानी प्रतिवद्धतामा ६५ प्रतिशत कम प्रतिबद्धता आएको विभागको तथ्यांकमा छ । गत आर्थिक बर्षको पहिलो ४ महिनामा काठमाडौं केन्द्रित वैदेशिक लगानी १५ अर्ब ७३ करोड रुपैयाँ बराबरको आएको थियो ।
विभागका अनुसार चालु आवमा काठमाडौं जिल्ला पछि दोस्रो धेरै वैदेशिक लगानी प्रतिवद्धता पाउने जिल्ला ललितपुर रहेको छ । चालु आवको  वितेका ४ महिनामा ललितपुर जिल्लाका लागि भन्दै ६ अर्ब ३० करोड रुपैयाँ बराबरको वैदेशिक लगानी प्रतिवद्धता आएको छ । यस्तै पछिल्लो ४ महिनामा भक्तपुर, बारा, धादिङ लगायत गरी ११ जिल्लामा लगानीको प्रतिवद्धता आएको छ । यी सबै जिल्लामा आएको लगानी प्रतिवद्धता मार्फत ७ हजार २ सय ८१ जनाले प्रत्यक्ष रोजगारी पाउने सो प्रतिवद्धतामा उल्लेख गरिएको छ । 
काठमाडौंमा मात्र हालसम्म १ खर्ब १४ अर्ब रुपैयाँ वैदेशिक लगानी
उद्योग विभागका अनुसार नेपालमा कानुनी रुपमा वैदेशिक लगानी भित्रिन थालेयता काठमाडौंमा मात्रै १ खर्ब ३२ अर्ब २७ करोड रुपैयाँ बढीको वैदेशिक लगानी प्रतवद्धता आएको छ । यो हालसम्म आएको कुल वैदेशिक लगानी प्रतिवद्धताको ३४ प्रतिशत हो । हालसम्म नेपालमा कुल ३ खर्ब ८५ अर्ब ९१ करोड रुपैयाँ बराबरको वैदेशिक लगानी प्रतिवद्धता आएको छ ।
वैदेशिक लगानीकर्ताहरुले काठमाडौंमा खासगरी सेवा तथा पर्यटन क्षेत्रका उद्योगमा रुचि देखाउँदा यो लगानी अन्य जिल्लाको तुलनामा बढ िदेखिन्छ । विभागका अनुसार हालसम्म वैदेशिक लगानीकर्ताहरुले काठमाडौंमा पर्यटन क्षेत्रमा सबैभन्दा बढी लगानी गरेको देखिन्छ । यो क्षेत्रमा विदेशी लगानीकर्ताहरुले ५५ अर्ब १४ करोड रुपैयाँ बराबरको लगानी प्रतिवद्धता जाहेर गरेका छन् ।
यसैगरि, काठमाडौंमै केन्द्रित रहेर विदेशी लगानीकर्ताहरुले सेवा क्षेत्रमा पनि सोहीअनुसारको लगानी प्रतिवद्धता जाहेर गर्ने गरेको देखिएको छ । काठमाडौंमा मात्रै सेवा क्षेत्रमा हालसम्म ४४ अर्ब १८ करोड रुपैयाँ बराबरको लगानी प्रतिवद्धता आएको तथ्यांकमा उल्लेख छ । यस्तै हालसम्म उत्पादनमुलक क्षेत्रमा पनि काठमाडौं केन्द्रित १० अर्ब ९६ करोड रुपैयाँ बराबरको वैदेशिक लगानी प्रतिवद्धता आएको विभागको तथ्यांकमा उल्लेख छ । विभागका तथ्यांक अनुसार हालसम्म धेरै वैदेशिक लगानी प्रतिवद्धता पाएका जिल्लाहरुमा ललितपुर रसुवा र कालिकोट छन् । यी ३ जिल्लामा हालसम्म क्रमशः ४० अर्ब, ४० अर्ब, ३३ अर्ब रुपैयाँ बराबरको लगानी प्रतिवद्धता आएको छ ।
सबैभन्दा धेरै लगानी चीनबाट
चालु आर्थिक बर्षको पछिल्लो ४ महिनामा काठमाडौंले भित्र्याएको कुल वैदेशिक लगानीका १० अर्ब ३४ करोडको ९५ प्रतिशत लगानी प्रतिवद्धता चीनको छ । उद्योग विभागका चीनबाट यस अवधिमा काठमाडौंमा विभिन्न उद्योग परियोजना संचालन गर्नेगरी ९ अर्ब ८८ करोड रुपैयाँ बराबरको लगानी प्रतिवद्धता आएको हो । कुल ५४ परियोजनामार्फत आएको यस्तो परियोजनाले ३ हजार ६ सय १० जनालाई रोजगारी सिर्जना गर्ने बताईएको छ । यस्तै यस अवधिमा काठमाडौंमा अमेरिका, नेदरल्याण्ड जापान भियतनामलगायतका देशहरुबाट लगानीको प्रतिवद्धता आएको छ ।
यता हालसम्मकै तथ्यांक हेर्दा काठमाडौंमा भित्रिएको कुल लगानी प्रतिवद्धताको ५८ प्रतिशत हिस्सा चीनले ओगटेको छ । नेपालमा वैदेशिक लगानी प्रतिवद्धता आए यताको तथ्यांकमा काठमाडौंमा मात्रै चीनले हालसम्म ७६ अर्ब ९२ करोड रुपैयाँ लगानी प्रतिवद्धता जाहेर गरेको छ । यस्तै काठमाडौंमै धेरै लगानी भित्र्याउने अन्य देशहरुमा क्रमशः भारत, हंगकंग, बेलायत, सिंगापुरलगायत देशहरु रहेका छन् । हालसम्म विश्वका ८२ देशहरुले काठमाडौंमा लगानीको प्रतिवद्धता जाहेर गरेका छन् । 

तपाईको प्रतिक्रिया

सम्बन्धित शीर्षकहरु

मुख्य खबर

बल्ल बतासले मुख खोले, नारायणहिटीमा सेटिङ नभएको बतास अर्गनाइजेसनको स्पष्टोक्ति 

बतास अर्गनाइजेसनले नारायणहिटी दरबार संग्रहालयभित्र क्याफे सञ्चालनको ठेक्का कुनै सेटिङको आधारमा नपाएको दावी गरेको छ ।

मदिरा आयाताकर्ता अग्रवाल दाजुभाई डेढ अर्ब कुम्ल्याएर फरार, बैंकहरुले टाँसे यस्तो सूचना 

एकपछि अर्को ठगिका प्रकरण बाहिरिने क्रमसँगै अहिले पुनः नेपालमा तीन दशकभन्दा बढी समयदेखि विदेशी मदिरा आयात तथा विक्री गर्दै आएका अभिषेक अग्रवाल र अमित अग्रवाल झन्डै डेढ अर्ब रुपैयाँ कुम्ल्याएर फरार भएका छन् ।

नारायणहिटीमा रेस्टुरेन्ट निर्माण प्रकरण : सरकारी कर्मचारी र ठेकेदार कम्पनीको मिलेमतो 

नारायणहिटी दरबार संग्रहालय परिसरमा रेस्टुरेन्ट सञ्चालनका लागि भएको ठेक्का प्रक्रियाबारे छानबिन गर्न गठित समितिले नारायणहिटीभित्र रेस्टुरेन्ट ठेक्का सम्झौतामा सरकारी अधिकारी र ठेकेदार कम्पनीको मिलेमतो भएको निष्कर्ष निकालेको छ ।

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

मनोरञ्जन

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।