logo

लगानी बोर्डको पाँचवर्षे रणनीतिक योजना भोली सार्वजनिक हुँदै

    114   पटक पढिएको


२२ भाद्र / अर्थ र व्यापार– कोरोना महामारिको प्रभाव, बाढि पहिरो लगायत विविध समस्याबाट पार पाउँदै अघि बढ्ने लक्ष्यकासाथ लगानी बोर्डले तयार गरेको पाँच वर्षे व्यावसायिक योजना सहितको रणनीतिक योजना (२०७८–८२) भोली (बुधबार) सार्वजनिक गरिने भएको छ ।
दस वर्ष अघि २०६८ सालमा स्थापना भएको लगानी बोर्डले ’लगानी बोर्डको १० वर्षः आर्थिक समृद्धिका लागि साझेदारी’ को मुल नाराका साथ बुधबार आफ्नो दशौं वार्षिक उत्सव मनाउँदैछ । सोही कार्यक्रमकाबीच बोर्डले आफ्नो आगामी पाँचवर्षे व्यवसायीक लक्ष्य सहितको रणनीतिक योजना सार्वजनिक गर्न लागेको हो । 
जसकालागि प्रधानमन्त्री एवं लगानी बोर्डका अध्यक्ष शेरबहादुर देउवाबाट सो रणनीतिक योजनासँगै ‘नेपाल इन्भेष्टमेन्ट गाइड–२०२१ र कफी टेवल बुक’ समेत सार्वजनिक गर्ने कार्यक्रम तय भएको बोर्डले जनाएको छ । दशौं वार्षिकोत्सव उद्घाटन सत्रमा विशेष अतिथिद्धय अर्थमन्त्री एवं लगानी बोर्डका उपाध्यक्ष जनार्दन शर्मा र उर्जा, जलस्रोत तथा सिंचाइ मन्त्री पम्फा भूसाल, लगानी बोर्डका प्रमुख कार्यकारी अधिकृत सुशील भट्ट, विश्व बैंकका क्षेत्रीय प्रमुख गुवाङझे चेन, नेपालका लागि बेलायती राजदुत निकोला पोल्लिट लगायतले आ– आफ्ना धारणा राख्ने छन । 
लगानी बोर्डबाट सहजीकरण भइरहेका परियोजनाहरुका विकासकर्ता, लगानीकर्ता, विकास साझेदार तथा लगानी बोर्डसँग आवद्ध विभिन्न व्यक्ति तथा संस्थाहरुलाई सम्मान गरिने बोर्डले जनाएको छ ।  उद्घाटन समारोहपछि दिगो पूर्वाधार विकास तथा सार्वजनिक–निजी साझेदारी लगानीका सम्भावनामा केन्द्रित भई दुईवटा छलफल सत्रहरु समेत संचालन हुने बोर्डले जनाएको छ । 
विगत दुई वर्षदेखि सुरुभएको कोभिड–१९ को महामारी पछिको आर्थिक अवस्था तथा जलवायु परिवर्तनको विश्व परिदृश्यमा सरकारले दिगो पूर्वाधार विकासमा जोड दिइरहेको सन्दर्भमा ‘नेपालमा दिगो पूर्वाधारको विकास’ विषयमा राष्ट्रिय योजना आयोगका उपाध्यक्ष डा.विश्व पौडेलको अध्यक्षतामा पहिलो सत्र संचालन हुने बोर्डले जनाएको छ । 
यसैगरि, सोही छलफलबाट नेपालमा हरित र दिगो पूर्वाधारको विकासका सम्भावना, वर्तमान कानूनी व्यवस्थाहरु, लगानीका अवसरहरु तथा चुनौति एवं सार्वजनिक–निजी साझेदारी लगायत परियोजना विकासका संयन्त्रहरु र आपसी सहकार्यका सम्भावनाहरु पहिचान गर्ने अवसर प्राप्त हुने पनि बोर्डले जानकारि गराएको छ । 
सो अवसरमा अर्थ मन्त्रालयका सचिव मधुकुमार मरासिनीको अध्यक्षतामा ’नेपालको आर्थिक विकासका लागि सार्वजनिक–निजी साझेदारीको विकास र व्यबस्थापन’ दोस्रो सत्र संचालन हुने छ । दोस्रो सत्रले नेपालमा सार्वजनिक–निजी साझेदारीमा लगानी परिचालनका विविध पक्षहरु, लगानी योग्य तथा विश्वासनीय परियोजनाको विकास तथा व्यवस्थापन, नेपालमा सार्वजनिक–निजी साझेदारी परियोजनाका सम्भावना र चुनौतिहरु तथा परियोजनाहरुको विकासका लागि सम्बन्धीत सरोकारवालाहरुसँग सहकार्यको सम्भावनाहरुबारे छलफल गर्ने अवसर प्रदान गर्ने बोर्डले जनाएको छ । 
लगानी बोर्ड स्थापना भएदेखि हालसम्म सरकारले यस बोर्ड मार्फत मुलुकमा बाह्य लगानी भित्राउने प्रयासमा धेरै पटक अन्तर्राष्ट्रिय लगानी सम्मेलन गर्दै आएको छ । लगानी बोर्डका प्रमुख कार्यकारी अधिकृत सुशील भट्टले विभिन्न पटक आयोजना गरिएको लगानी सम्मेलनबाट अहिलेसम्म स्वदेशी तथा विदेशी लगानी भित्रिने र नयाँ नयाँ परियोजनाको पूर्वाधार निर्माण तथा सञ्चालन कार्यले तिब्रता पाएको दावी गरेका छन । उनले बुधबार सार्वजनिक गर्न लगानी बोर्डले तयार गरेको पाँच वर्षे व्यावसायिक योजना सहितको रणनीतिक योजना (२०७८–८२) पनि मुलुकको पूर्वाधार निर्माण तथा वाह्य लगानी भित्राउनकालागि निकै उपयोगि र फलदायी हुने बताए । 

तपाईको प्रतिक्रिया

सम्बन्धित शीर्षकहरु

मुख्य खबर

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

सत्तारुढ गठबन्धनको प्राथमिकताः चैतसम्म सबै नेपालीलाई खोप र विदेशमा रहेका नेपालीलाई मतदानको अधिकार

सत्तारुढ गठबन्धनले गठन गरेको कार्यदलले संयुक्त सरकारका ११ वटा प्राथमिकता र १० वटा नीति तथा कार्यक्रमलाई समावेश गर्दै प्रतिवेदन तयार गरेको हो ।

निर्वाचन आयोगद्वारा लेखा प्रतिवेदन नबुझाउने ४१ दलको दर्ता खारेज

निर्वाचन आयोगले तीन वर्षसम्म लेखा प्रतिवेदन नबुझाउने विभिन्न ४१ वटा राजनीतिक दलहरूकोे दर्ता खारेज गरेको छ । 

भुक्तानी नपाएपछि पुनः आन्दोलन गर्ने तयारीमा उखु किसान

किसानहरुलाई कमजोर, निमुखा सम्झेर फेरि पनि रकम नदिने षड्यन्त्र उद्योगी र सरकारबाट भएको भन्दै भदौ ५ गतेसम्म बक्यौता भुक्तानी नपाए पुनः आन्दोलन गर्ने चेतावनी किसानहरुले दिएका छन् ।

मनोरञ्जन

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।

कमल खनालको रुमाल बोलको गीत सार्वजनिक

गायक तथा सर्जक कमल खनालको शब्द र संगीत रहेको रुमाल बोलको गीत सार्वजनिक भएको छ । गीतमा गायिका अन्जु पन्त र गायक तथा सर्जक कमल खनालको स्वर रहेको

चन्द्रागिरि हिल्सको आइपीओमा आवेदन दिने सबैले केबलकारमा २५ प्रतिशत छुट पाउने

चन्द्रागिरि हिल्सले कम्पनीको आइपीओमा आवेदन दिने सबैलाई केबलकार यात्रामा २५ प्रतिशत छुट दिने भएको छ ।