६ माघ /अर्थ र व्यापार– खराव मौसमले समयमै विमान अवतरण नभई आकासमा होल्ड गर्दा एक महिला यात्रु विमानभित्रै बेहोस भएकी छिन । बिहीबार बिहान काठमाडौंबाट नेपालगञ्ज उडेको बुद्ध एयरको विमानमा एक महिला यात्रु बेहोस भएकी हुन् । बुद्ध एयरका अनुसार काठमाडौंबाट बिहान ७ः४४ मा उडेको उडान नं ४५१ को सो विमान निर्धारित समय अनुसार ८ः४४ मा अवतरण हुनुपर्ने थियो ।
तर, नेपालगञ्ज विमानस्थलको मौसम प्रतिकुल नभएपछि केही समय सो विमानलाई आकासमै होल्डमा गराईएको थियो । विस्तारै बिग्रिएको मौसममा सुधार आएपछि सो विमान झन्डै आधा घण्टा ३ मिनेटपछि बल्ल बिहानको ९ः१८ मा अवतरण गराईएको थियो । 
सोही क्रममा एक महिला यात्रु विमानभित्रै बेहोस भेटिएकी थिईन । त्यसपछि उनलाई तत्काल बुद्ध एयरको एम्बुलेन्सबाटै नेपाली सेनाको अस्पतालमा लगिएको थियो ।
सो अस्पतालमा सामान्य उपचारपछि अहिले विमानभित्रै बेहोस भएकी महिला यात्रु निको भएर आफ्नो घर फर्किसकेको बुद्ध एयरका  एक अधिकारीले जानकारी दिए । ‘विमान धेरै समय आकासमा होल्ड भएपछि आत्तिएर बेहोस भएको जस्तो देखिन्छ,’ उनले भने । सो विमानमा चालक दलका सदस्य बाहेक ६९ जना यात्रु सवार थिए ।