२२ कात्तिक / अर्थ र व्यापार - वाम गठबन्धनबाट प्रतिनिधिसभा कास्की क्षेत्र नम्बर ३ का उम्मेदवार जगत विश्वकर्माले चुनावी प्रचारमा प्रयोग गरेको गाडी मंगलबार राति तोडफोड भएको छ । पोखराको न्यूरोडस्थित एक होटलको अगाडि सडकमै पार्किङ गरेको ग १य ७२८ नम्बरको हरियो प्लेटको स्करपियो गाडी अपरिचित व्यक्तिको समुहले फोडेको हो ।

प्रहरीका अनुसार गाडीको पछाडिको शिशा फुटेको छ । सडकमा रोकेर होटलभित्र खाना खाईरहेको बेला राती सवा १० बजेको समयमा गाडीमा ढुंगा प्रहार भएको थियो । यसैबीच गाडी तोडफोडमा संलग्न भएको आशंकामा एकजनालाई नियन्त्रणमा लिइएको प्रहरी नायव उपरीक्षक खड्कबहादुर खत्रीले बताए ।