आर्थिक गतिविधि बढाउन ‘डिजिटल प्लेटफर्म’मैत्री नीति आवश्यक: पूर्व प्रधानमन्त्री देउवा

507 पटक पढिएको

२९ साउन/अर्थ र व्यापार – पूर्व प्रधानमन्त्री तथा नेपाली कांग्रेसका सभापति शेरबहादुर देउवाले आफ्नो पार्टी डिजिटल प्लेटफर्म अधिक प्रयोग गरी सुशासन कायम गर्ने पक्षमा रहेको बताएका छन् ।
कांग्रेसको प्रचार विभागले बिहीबार पार्टी कार्यालय सानेपामा अयोजना गरेको कार्यक्रममा देउवाले सुशासन कायम गर्न र निजी क्षेत्रको सृजनशीलता प्रवर्धनका लागि आफू प्रविधिमैत्री नीति बनाउने पक्षमा रहेको बताएका हुन् ।
‘नेपाली कांग्रेस डिजिटल प्लेटफर्मलाई आर्थिक गतिविधि बढाउन, सुशासन कायम गर्न, प्रविधिमा पहुँच पु¥याई विशेष गरी युवा, विद्यार्थी, उद्यमी, किसान, अनुसन्धानकर्ता र समग्र निजी क्षेत्रको सृजनशीलता प्रवर्धन गर्न उपयोग गर्ने र जनतालाई केन्द्रमा राखेर उपलब्धि केन्द्रित प्रविधि नीति बनाउने पक्षमा छ,’ देउवाले भने ।
सूचना प्रविधिले जनतालाई छिटो, सजिलो र पारदर्शी ढंगले सेवा दिन उल्लेखनीय भूमिका खेलिरहेको उल्लेख गर्दै उनले इन्टरनेटको पहुँचले जनताको जीवनशैली सहज बन्दै गएको बताए ।
‘घर–घरमा इन्टरनेटको पहुँच, मोबाइल बैंकिङ, अनलाइन फाराम, डिजिटल स्वास्थ्य सेवा तथा डिजिटल शिक्षा— यी सबै प्रविधिमैत्री योजनाहरूले जनताको जीवनशैली सरल, समावेशी र सम्मानजनक बनाउँदै लगेका छन्,’ देउवाले भने ।
डिजिटल प्लेटफर्मको सकारात्मक पक्ष हुँदाहुँदै पनि कतिपय कुराहरूमा यसले नकारात्मक असर पनि पु¥याइरहेको बताउँदै उनले डिजिटल प्लेटफर्ममार्फत हुने ठगीलगायत समस्या समाधानका लागि ध्यान दिन सरकार र सरोकारवाला निकायले बेलैमा सोच्नुपर्ने धारणा राखे ।

तपाईको प्रतिक्रिया

सम्बन्धित शीर्षकहरु