२१ फागुन / अर्थ र व्यापार - काठमाडौँ। नेपाली कांग्रेस संसदीय दलको नेतामा सभापति शेरबहादुर देउवा निर्वा्चित भएका छन् । सोमबार बिहान भएको निर्वाचनमा देउवा ४४ मत ल्याएर निर्वा्चित भएको दलको निर्वाचन समितिका संयोजक चिनकाजी श्रेष्ठले जानकारी दिए ।
देउवाका प्रतिस्पर्धीको रूपमा उठेका पूर्वमहामन्त्री प्रकाशमान सिंहले भने जम्मा १९ मत ल्याएका छन् । उनी कांग्रेसभित्र रामचन्द्र प्यानलका नेता हुन् । मंसिरमा भएको संसदीय निर्वाचनमा प्रत्यक्षतर्फ पौडेल पक्षका धेरै सांसदहरूले जितेका थिए । समानुपातिकमा कांग्रेसले ४० सिट जितेको थियो । समानुपातिकमा भने सभापति देउवाले आफ्नोपक्षका धेरैलाई सांसद बनाएका थिए। त्यसैले संसदीय दलमा देउवाको बहुमत थियो ।
तपाईको प्रतिक्रिया