१२ माघ / अर्थ र व्यापार - काठमाडौं। राष्ट्रिय जनता पार्टी (राजपा) को विद्यार्थी नेताहरु माओवादी केन्द्रमा प्रवेश गरेका छन् । शुक्रबार बिहान खुमलटारमा आयोजित कार्यक्रममा रजपा बिद्यार्थी संगठनका महासचिव चन्द्र भुषण साहसहितका २०० जना विद्यार्थी नेताहरु माओवादी केन्द्रमा प्रवेश गरेका हुन ।

राजपाका विद्यार्थी महासचिव साहसहित तमलोपाका पूर्व विद्यार्थी उपाध्यक्ष अजित पप्पु यादव, राजपाका विद्यार्थी सचिव ज्ञानकुमार कुशवाहा, मधेशी विद्यार्थी समाजका कोषाध्यक्ष बसन्त ठाकुर, राजपाका विद्यार्थी नेताहरु आशिष देव, दीपेन्द्र साह, बरुण निसाद, खुसीलाल यादव, ज्ञानु यादव, सरोज यादव, सोनित ढुङ्गेल, अमन श्रेष्ठ, निरज कुशवाहा, गायिका सोलिना कुंवर, संगीतकार सन्तोष राज लगायत रहेका छन् ।

पार्टी प्रवेश गराउँदै माओवादी केन्द्रका अध्यक्ष प्रचण्डले अब देश आर्थिक विकास र समृद्धिको यात्रामा अघि बढेको भन्दै त्यसका लागि प्राविधिक जनशक्तिको महत्वपूर्ण भूमिका हुने बताए ।