१६ असोज/अर्थ र व्यापार– प्रदेश ५ सरकारले प्रदेशको नाम लुम्बिनी र स्थायी राजधानी दाङको भालुवाङलाई बनाउने प्रस्ताव प्रदेशसभामा पेश गरेको छ।
प्रदेशसभाको शुक्रबार बसेको बैठकमा आन्तरिक मामिला तथा कानुनमन्त्री कुलप्रसाद केसीले प्रदेशको नाम र स्थायी राजधानी सम्बन्धि प्रस्ताव पेश गरेका हुन्।
नेकपा अध्यक्षदय केपी ओली र प्रचण्डबिच सहमति भए लगतै प्रदेश सरकारको मन्त्रिपरिषद् बैठकले प्रदेश राजधानी र नामबारे प्रस्ताव पास गरेको हो।
सहमति जुट्न नसक्दा प्रदेश ५ को नामाकरण र स्थायी राजधानी निर्धारण हुन सकेको थिएन । रुपन्देही, कपिलवस्तु वा दाङ कहाँ राजधानी राख्ने भन्नेमा प्रदेश ५ को प्रदेशसभामा लामो समयदेखी मतभेद थियो।
प्रदेश ५ सरकारले शुक्रबार भालुवाङ बजार र त्यस आसपासको राप्ती किनारले समेटेको उपत्यकालाई स्थायी राजधानी बनाउने प्रस्ताव गरेका हो । हाल प्रदेश ५ को अस्थायी राजधानी रुपन्देहीको बुटवलमा छ।
तपाईको प्रतिक्रिया