१५ साउन/अर्थ र व्यापार– प्रधानमन्त्री केपी शर्मा ओलीले भ्रष्टाचार र अनियमितता गर्ने राज्यका कुनै पनि निकायले उन्मुक्ति नपाउने बताएका छन् ।
महालेखा परीक्षकको २०७४/०७५ लेखा परीक्षण सम्बन्धि बैठकमा आज सिंहरदबारमा भएको बैठकमा भ्रष्टाचार र अनियमितता गर्ने राज्यका कुनै पनि निकायलाई कानुनी कारबाही गर्ने बताएका हुन् ।
सरकारी कार्यलयहरुमा बेरुजु बढ्नु मुलुकको सुशासनका लागि राम्रो संकेत नभएको बताएका हुन् । प्रधानमन्त्री ओलीले ’जानाजान बेरुजु गर्नु भनेको भ्रष्टाचार हो । त्यसमा संलग्नलाई कानुनी कारबाही गर्नुपर्ने बताए ।
बढ्दो बेरुजुले अन्तर्रा्ष्ट्रिय जगतमा पनि नेपालको शाख गिराउने प्रधानमन्त्री ओलीको भनाइ छ । ’नेपाली भ्रष्टाचार गर्ने र ठगठाग गर्ने जाति होइन,’ प्रधानमन्त्री ओलीले भने, ’तर हामीमा मौलाएको महत्वकांक्षा र गलत संस्कारले नेपालीलाई भ्रष्टाचारतिर तान्यो । यो क्रमलाई अब यहीँ बिराम लगाउनुपर्दछ ।”
प्रधानमन्त्री ओलीले राजनीतिक नेतृत्वले आर्थिक नियम कानुनभित्र बस्नु पर्ने बताएका छन् । उनले राजनीतिले देशलाई बाटो देखाउनु पर्ने भएकाले राजनीतिक नेतृत्व गम्भीर हुनुपर्ने बताए ।
बैठकमा महालेखा परीक्षक टंकमणि शर्माले आर्थिक वर्ष २०७४/०७५ मा ४८ अर्ब रुपैयाँ बेरुजु देखिएको जानकारी दिए । बैठकमा प्रधानमन्त्रीका मुख्य सल्लाहकार बिष्णु रिमाल र मन्त्रालयका सचिवहरुको उपस्थिति थियो ।
तपाईको प्रतिक्रिया