५ पुस/अर्थ र व्यापार– प्रधानमन्त्री केपी शर्मा ओलीले संसद विघटनसँगै आमचुनाव गर्न राष्ट्रपतिसमक्ष प्रस्ताव गरेका छन् ।
आज आईतबार शीतलनिवासमा राष्ट्रपति विद्यादेवी भण्डारीसँग भेटेर प्रधानमन्त्री ओलीले संसद विघटनसँगै आमचुनाव गर्न प्रस्हताव गरेका हुन् ।
प्रधानमन्त्री ओलीले राष्ट्रपतिसमक्ष २०७८ वैशाख २३ वा वैशाखभित्रै आम चुनाव गर्ने प्रस्ताव राखेका छन् ।
मंसिर ३० मा मात्र प्रधानमन्त्री ओलीले संवैधानिक परिषद्सम्बन्धी अध्यादेश ल्याएका थिए । उक्त अध्यादेश फिर्ता गर्ने निर्णय भए पनि फिर्ता भने भइसकेको छैन ।
स्रोतका अनुसार प्रधानमन्त्री ओलीविरुद्ध अविश्वास प्रस्तावको तयारी भइरहेको कारण संसद विघटनको निर्णय भएको जनाएको छ ।
प्रधानमन्त्री ओलीको संसद विघटनसँगै आमचुनावको प्रस्ताव राष्ट्रपतिले सिफारिस गरेपछिमात्र प्रमाणित हुन्छ ।
संविधानविद् भीमार्जुन आचार्य, टीकाराम भट्टराईलगाएतले प्रधानमन्त्री ओलीको संसद विघटनको प्रस्तावलाई संविधानमाथिको कू भनेका छन् । उनिहरुले संसद विघटन प्रकियालाई राज्यका सबै संवैधानिक अंगहरूले निस्तेज बनाएर संविधानको रक्षा गर्नपर्ने बताएका छन् ।
तपाईको प्रतिक्रिया