९ मंसिर/अर्थ र व्यापार– नेपाल कम्युनिष्ट पार्टीका महासचिव नेत्रविक्रम चन्द विप्लवले आफूहरूले जनताको हितलाई केन्द्रमा राखेर उठाएको कुरा राज्यले सुन्यो भने वार्ता गर्न तयार रहेको बताएका छन् ।
विप्लवले राज्यसंग जनता असन्तुष्ट रहेको भन्दै आफूहरुले जनताका कुरा उठाएको बताएका हुन् । उनले जनताको हितलाई केन्द्रमा राखेर वार्ता गर्न सरकार तयार भए आफूहरु वार्ताको लागी तयार रहेको बताए ।
सोमबार ईरातोखबरलाई अन्तर्वार्ता दिँदै विप्लवले आफूहरूलाई अहिलेकै सत्तामा घुमाउन राज्यपक्षले चाहेकोले भन्दै नेपाली जनताको हितलाई केन्द्रमा राखेर वार्ता गर्न सरकार तयार छ भने आफूहरु वार्तामा बस्ने बताए ।
सरकारले प्रतिवन्ध लगाएपछि पनि पार्टीका नेता सुदर्शनलगायतसँग पुगेर राज्यले वार्ताको लागी प्रस्ताव गरेको बताए । तर कसैले देश बाहिर लगेर वार्ता गराउन खोजे प्रचण्ड, बाबुराम जस्तो मात्रै हुन्छ त्यो असम्भव हुने बताएका छन् ।
उनले आफूहरूले सञ्चालन गरिरहेको क्रान्ति जनताले नदेख्ने मोडभन्दा पर जान नहुनेमा आफू सचेत रहेको पनि बताएका छन् ।
गृहमन्त्री रामबहादुर थापा बादलले आफूहरूलाई भूमिगत पार्टी भनेकोमा असन्तुष्टि व्यक्त गर्दै खुलामञ्चमै आउन पनि तयार रहेको बताए ।
तपाईको प्रतिक्रिया