२८ मंसिर/अर्थ र व्यापार– नेकपाका अध्यक्ष पुष्पकमल दाहाल प्रचण्डले पार्टी प्रवक्ता नारायणकाजी श्रेष्ठलाई कमानसिं लामा र हाइड्रोपावरको आर्थिक कारोबारको विवादमा अनावश्यक रुपमा जोडेर प्रचार भएको बताएका छन् ।
प्रधानमन्त्री निवास बालुवाटारमा बसेको नेकपा स्थायी कमिटीको बैठकले केन्द्रीय सदस्य कमानसिं लामाको निधनमा शोक प्रस्ताव पारित गरेको छ । बैठकमा अध्यक्ष दाहलले प्रवक्ता श्रेष्ठलाई अनावश्यक रुपमा जोडेर प्रचार भइरहेको भन्दै त्यस्तो प्रचारको पछि नलाग्न आग्रह गरेका हो ।
नेकपाका प्रवक्ता नारायणकाजी श्रेष्ठको केन्द्रीय सदस्य कमानसिंह लामासँग भएको कुराकानीको अडियो तथा भिडियो सार्वजनिक भएपछि श्रेष्ठ विवादमा तानिएको हो ।
दाहलले लामा र हाइड्रोपावरका सम्बन्धित व्यक्तिलाई सँगै राखेर श्रेष्ठले लेनदेन विवादमा मिल्नुस् भन्नेबाहेक अरु कुनै कुरा नगरेको भन्दै भ्रममा नपर्न सबैलाई आग्रह गरेका छन् ।
तपाईको प्रतिक्रिया