१३ माघ/अर्थ र व्यापार– अर्थमन्त्री विष्णुप्रसाद पौडेलले चुनावको तयारीमा केन्द्रित हुन कर्मचारी र निजी क्षेत्रलाई आग्रह गरेका छन् ।

६९ औं भन्सार दिवसको अवसरमा आयोजित कार्यक्रममा मन्त्री पौडेलले लोकतन्त्रको प्राण चुनाव भन्दै सरकारको चुनावी माहोललाई समर्थन गर्न कर्मचारी तथा निजी क्षेत्रलाई तयारीमा लाग्न आग्रह गरेका छन् ।

मन्त्री पौडेलले केही मानिसहरुले निर्वाचन नहुने हो की भन्ने शंका गरिरहेको छ । तर मुलुक अहिले चुनावको माहोलमा अघि बढीसकेको बताए ।

कार्यक्रममा मन्त्री पौडेलले कोरोना खोप अभियान सुरु भैसकेको भन्दै खोपले देशको आर्थिक गतिविधि अघि बढाउन पनि सहयोग पुग्ने बताए ।

भन्सारको कामकाजमा सहजीकरण गर्न मन्त्रालय तत्पर रहेको पौडेलले बताए । उनले व्यावसायीहरुको जायज मागलाई सम्बोधन गर्ने र व्यावसायीहरुले पनि न्यूनबिजकीरणको समस्या अन्त्य गर्नुपर्ने उनले बताए ।

कार्यक्रममा उद्योग वाणिज्य महासंघका अध्यक्ष शेखर गोल्छाले विभागको आधुनिकीकरणले व्यावसायीलाई सहज हुने बताए ।

यस्तै, नेपाल चेम्बर अफ कमर्सका अध्यक्ष राजेशकाजी श्रेष्ठले भन्सार विभागलाई उद्योग मन्त्रालय अन्तर्गत राख्नुपर्ने बताएका छन् ।