१४ असोज/अर्थ र व्यापार– मन्त्रिमण्डल पुनर्गठनको विषय टुङ्गो लगाउन प्रधानमन्त्री एवं नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच आज बुधबवार हुने भनिएको भेटवार्ता स्थगित भएको छ।

अध्यक्ष प्रचण्डका प्रेस सहयोगी विष्णु सापकोटा ‘जुगल’ले सहमतिमै बुधबारको बैठक स्थगित भएको जानकारी दिए । उनले आवश्यकता अनुसार दुई अध्यक्षबीच पुनः छलफल हुने बताए। 

केही दिनदेखी दुवै अध्यक्ष मन्त्रिमण्डल पुनर्गठन, संवैधानिक आयोगका पदाधिकारी नियुक्तिलगायतका विषयमा निरन्तर छलफल तथा भेटवार्ता गर्दै आएको थियो । 

मन्त्रिमण्डल पुनर्गठनका लागि ओली र प्रचण्ड दुवै सहमत भएपनि पुनर्गठनको मोडलका विषयमा भने सहमति जुट्न सकिरहेको छैन ।

ओली-प्रचण्डबिच आज हुने भनिएको भेटवार्ता स्थगित भएसंगै मन्त्रिमण्डल पुनर्गठनको विषय टुङ्गो लाग्न अझै केही समय लाग्ने देखिन्छ ।